Érguete Baixo Miño organiza o Ciclo “Cine e Saúde”

Asociación Érguete Baixo Miño / A Guarda

A entidade Érguete Baixo Miño organiza un Ciclo de Cine a propósito do Día Mundial da Saúde 7 de abril que este ano ten como lema “Para salvar vidas: hospitais seguros nas situacións de emerxencia” facendo referencia á seguridade dos hospitais e a preparación do persoal sanitario que atende aos afectados polas situacións de emerxencia como un dos obxectivos principias da Organización Mundial da Saúde (OMS).
Érguete propón catro filmes que se proxectarán os días 13, 14, 15 e 16 de abril no Centro Cultural de A Guarda ás 21:30 horas. A entrada é de balde.

“A nosa intención é achegar ao público a través do cine un concepto de Saúde máis amplo do que estamos acostumadas/os e que entende ás persoas como seres complexos e completos, cuio benestar depende non só da “ausencia de enfermidade”, senon de múltiples factores coma os afectos e as relacións sociais, unha vida laboral plena, un entorno limpo,… para poder falar de calidade de vida. Referímonos a unha Saúde Integral.”

Para elo proxectaranse as seguintes cintas:

Luns, 13 de abril: “Hacia Rutas Salvajes” (2007) de Sean Penn.

Martes, 14 de abril: “La escafandra y la mariposa” (2007) de Julian Schnabel.

Mércores, 15 de abril: “Los niños de Huang Shi” (2008) de Roger Spottiswoode.


Xoves, 16 de abril: “Pudor” (2007) de Tristán Ulloa e David Ulloa.

Para máis información contactar:
Érguete Baixo Miño

Teléfono/Fax: 986 61 44 07
Prevención das Drogodependencias

Educación e Promoción da Saúde.

Enderezo electrónico: info@erguete.org

R/Colón, 20 (Edificio O Pescador)
36780 - A Guarda