A CORUÑA

XORNADA FORMATIVA: A BIODIVERSIDADE MARIÑA NA CONTORNA PORTUARIA

Infogauda/A Coruña

 O Centro de Extensión Universitaria e Divulgación Ambiental de Galicia (CEIDA), xunto coa Autoridade Portuaria da Coruña, organiza a I Xornada Formativa A biodiversidade mariña na contorna portuaria, que terá lugar os días 8 e 9 de outubro, no marco do Ciclo Formativo ‘Xestión Portuaria e Medio Ambiente’.  

 A xornada ten como obxectivo presentar os principais elementos da biodiversidade do ámbito territorial do Porto da Coruña e dar a coñecer diferentes exemplos de xestión e conservación da biodiversidade mariña en contornas portuarias.  

 Ao longo das dúas sesións abordaranse cuestións como a conservación da biodiversidade, as solucións baseadas na natureza aplicadas ao ámbito portuario, a renaturalización de espazos portuarios, a diversidade e ecoloxía da fauna mariña asociada ao litoral, a conservación das aves mariñas, os cetáceos ou o valor dos bosques de kelp fronte ao cambio climático. A actividade contará coa participación de persoal técnico de diferentes autoridades portuarias, así como de persoal investigador e especialistas en biodiversidade mariña.  

 A formación terá lugar o xoves, 8 de outubro, no Salón de Actos da Autoridade Portuaria da Coruña, e o venres 9 de outubro, no Castelo de Santa Cruz, sede do CEIDA, en horario de 10 a 14 h.  

 A actividade é gratuíta e as prazas son limitadas. 

Máis información: https://ceida.org/gl/formacion-gl/i-xornada-formativa-a-biodiversidade-marina-na-contorna-portuaria-ciclo-formativo