A GUARDA

A OMIX da Guarda organiza un obradoiro para realizar cúpulas de flores secas   

• As inscricións abriranse o luns 11 no enderezo electrónico informacion@aguarda.es 

Infogauda / A Guarda

 A Oficina Municipal de Información Xuvenil (OMIX) do Concello da Guarda continúa coa organización de obradoiros gratuítos para diversificar a oferta do ocio da mocidade na nosa vila.  

 Para o sábado, 16 de maio, de 10:00 a 13:00h, haberá un obradoiro para realizar cúpulas de flores secas, que estará dirixido polo estudio floral Beltane.  

 O obradoiro consta dunha parte teórica; unha parte de demostración; e finalmente unh,a parte práctica onde as persoas participantes elaboran o traballo e reciben axuda e apoio para solucionar as súas dúbidas.  

 Deste xeito, aprenderán o nome das especies utilizadas; a mellor forma de conservar o traballo; ou a teoría da cor detrás da combinación escollida antes de pórse mans á obra.   

 As prazas son limitadas e terá prioridade a mocidade, aínda que estará aberto ao público xeral se hai prazas. 

 A inscrición estará aberta desde o próximo luns 11 a través do enderezo electrónico da OMIX: informacion@aguarda.es.