OIA

Concerto de música sacra na igrexa parroquial de Oia 

Este domingo, ás 18.00 horas

Coral Vagalume, de Oia

Foto: C.V.

  

Infogauda / Oia

 A igrexa parroquial de Santa María de Oia será escenario este domingo, ás 18.00 horas, dun concerto de música sacra que reunirá a tres formacións corais nunha cita pensada para gozar da música nun espazo de gran valor patrimonial e acústico.  

 No recital participarán a Polifónica Vagalume de Oia, a Polifónica de Berres e o coro parroquial Santiago Apóstol do Burgo, que ofrecerán un repertorio coidado arredor da música coral sacra, combinando voces e sensibilidades nunha proposta de especial atractivo.  

 O concerto contará con entrada libre ata completar aforo e preséntase como unha oportunidade para achegarse á música coral nun ambiente íntimo e singular, no interior do templo parroquial.  

 A actividade está organizada pola Coral Vagalume de Oia e conta coa colaboración do Concello de Oia e da Deputación de Pontevedra, que apoian iniciativas culturais que contribúen a dinamizar a vida cultural do municipio.