A GUARDA

Abertas as inscricións da V edición do obradoiro de canto para mulleres ‘Con voz propia’   

•  Esta actividade será impartida por Cristal Méndez Queizán

Infogauda / A Guarda

 O obradoiro de canto para mulleres “Con voz propia” volve este ano 2026 coa súa quinta edición.   

 Esta actividade, que será impartida por Cristal Méndez Queizán, os mércores a mañá, e de 18:00 a 20:30 horas, comezará o próximo 25 de febreiro e estenderase durante 10 semanas.  

 O obradoiro ofrece unha actividade en grupo na que as mulleres se sintan a gusto, seguras, tranquilas e coidadas. Non é necesario saber cantar ou ter experiencia, xa que esta actividade busca explorar novas maneiras de cantar e bailar en liberdade, máis alá da música tradicional e do coro.  

 Ademais  fomenta o crecemento persoal e a aprendizaxe de recursos para o equilibrio do sistema nervioso e o benestar, aplicables á actividade diaria.  

 As inscricións xa están abertas a través do correo electrónico muller@aguarda.es ou do teléfono do Centro de Información á Muller (CIM): 986 61 46 48.