SALCIDOS (A GUARDA)

A Festa Cultural e Gastronómica celebrada no Parque Forestal do monte Torroso resultou un éxito

• Foi organizada pola Comunidade de Montes Veciñais en Man Común de Salcidos e contou coa asistencia de persoas das tres parroquias do concello guardés

Momento da entrega de premios do Concurso de Escultura en Pedra

Fotos: Infogauda

Infogauda / Salcidos

 Organizada pola Comunidade de Montes Veciñais en Man Común de Salcidos, esta pasada fin de semana, celebrouse no Parque Forestal do Monte Torroso,  unha Festa Cultural  Gastronómica.

 O evento, que englobaba varias actividades,  comezou  a   primeira   hora  da mañá  do  sábado co Concurso de Escultura en Pedra, no cal participaron nove afamados escultores (José Manuel Perez, procedente de Xeve (Pontevedra); Marcos Escudero, de Mos; Fernando Fernández, de Tui; Juan Vázquez, de Tui;  Jacobo Liste, de Teo (A Coruña); Paulino Castiñeira, de Salceda de Caselas; Anxo Braña, de Gondomar; Rodrigo García, de Canido (Vigo) e Nicolás Rincón, de Reboreda (Redondela),  que fixeron as ledicias do público que en bo número, ao longo do dia foron seguindo o labor creativo dos participantes.  

   Hasta as 18:30 horas foron sacándolles as respectivas pezas de pedra - doada pola empresa Silverchan - o sobrante de cada unha delas, ata descubrir o que levaban dentro. Así,  desde  unha cabeza  de  león,  ata un barco á capa dun forte temporal; unha landra,  e  outras  figuras. Concluído o tempo de execución material das pezas, un xurado composto por Cuqui Piñeiro,  Chuny Vázquez, José Alfredo Pereira, Ricardo Rodríguez e José  Palacios,  foron observando as obras escultoricas, e despois dunha longa deliberacion, dada a calidade artística dos traballos realizados, anunciaron o veredicto dos tres primeros premios, quedando da seguinte maneira: 

•  Primeiro premio, para  Juan Vázquez, por  "Velliña". 

•  Segundo premio, para Marcos Escudero por "India". 

•  Terceiro premio, para Jacobo Liste por "Rebeldia".

As tres obras premiadas do Concurso de Escultura en Pedra estiveron expostas ao público

 Os trofeos - realizados por persoas usuarias do centro San Xerome Emiliani - foron doados polo Concello de A Guarda, e entregados polo propio alcalde Roberto José Álvarez Carrero e o concelleiro de Obras, Isidro Lomba Lorenzo. Tamén hubo recordos para os demais participantes.  

 Amenizaron o evento o Gupo de gaitas Entre o mar e o rio; e o Grupo de pandereteiras  Airiños  de   San  Miguel. E a  noitiña,  o  Grupo de rock "Cazacus", que recibiron, todos eles, os aplausos do repectable.  

 O     publico asistente    tamén    gozou con  diversas  viandas (empanadas, chouripans, pizzas, etc.).  

Guadalupe Álvarez e Abel de Vicente en plena realización da súa obra de talla en madeira con motoserra

 

 O domingo  día 5 de outubro, Guadalupe Álvarez e Abel de Vicente, procedentes de Soria, e co patrocinio de Stihl e Talleres El Milagro, de Tomiño, fixeron unha talla con motoserra en tronco de piñeiro, e pouco a pouco durante todo o dia foron dando forma a unha muller con balde na cabeza, como levaban as nosas antergas pra ir a buscar auga a fonte, xa que non habia nas casas auga da traída como agora.  

 Unha vez mais o grupo Entre o mar e o rio foi brindando o mellor do seu repertorio, pra pór musica no acto.  

Un momento da actuación do Trío Luetto

 Pola tarde, despois do xantar, o Trío Luetto sorprendeu o numeroso público co seu escollido repertorio - con música tradicional, a cargo do gaiteiro e teclista, Eduardo Rodríguez Sobrino, do Pahiño (Buxán), e a cellista Laura Ramírez, de Tui - xunto coa marabillosa voz de Antonia Mª Santos Vaquero "Toñi", de O Rosal. 

O grupo folk "Deixandar", de O Rosal en plena actuación

 E así o respectable despois de deleitarse co saboroso Porco o espeto, (do que se despacharon mais de catrocentas racións), e tamén chouripans, empanadas etc., foi relaxándose ata o momento da seguinte actuacion do grupo folk "Deixandar", de O Rosal - formación que está a punto de cumplir 21 anos de actividade musical -, que por espazo de máis de 90 minutos interpretou diversas pezas instrumentais, compostas algunhas delas polo inesquecible José Luis Lorenzo Rodríguez, Isidro Pérez González e José Manuel González Peniza, respectivamente, ademais doutras de diferentes autores. Foi así como se puxo broche final ao programa da Festa Cultural e Gastronómica, dilixentemente organizada pola Comunidade de Montes Veciñais en Man Común de Salcidos. 

 Hai que salientar que moitas persoas, procedentes das tres parroquias do concello de A Guarda, e mesmo doutras localidades da contorna (Oia, O Rosal, Tomiño,...) felicitaron aos organizadores, e emprazándoos para o vindeiro ano, a repetir, e se acaso, mellorar no posible, o evento que nesta edición xerou gratas sensacións entre as persoas que asistiron e participaron no mesmo.