TOMIÑO

Tomiño comeza un novo curso sen biblioteca

• Fano público as concelleiras do Grupo Municipal do PSdeG-PSOE

Violeta de Santiago e Mirta Misa, concelleiras do PSdeG-PSOE, de Tomiño

Infogauda / Tomiño

 Mediante unha nota de prensa remitida á redacción deste xornal dixital transfronteirizo, o Grupo Municipal do PSdeG-PSOE, de Tomiño critica, "que comece un novo curso escolar sen a tan esperada biblioteca un ano máis".

 Acusan "ao Goberno municipal e a alcaldesa, de faltar a verdade, e de enganar a corporación municipal, á comunidade educativa e á veciñanza en xeral, logo de asegurar en Pleno que a biblioteca “privatizada” estaría aberta ao público para o inicio do curso".

 Por outra banda, as concelleiras socialistas lamentan "que un ano máis, siga sen crearse a Comisión de honras e distincións municipais, e consideran unha falta de respecto e lealdade institucional a toda a corporación que vén de  enteirarse  polas redes sociais da distinción ao noso veciño Manuel Álvarez, a quen felicitamos con moito agarimo".

 As concelleiras socialistas de Tomiño, en nome de toda a agrupación municipal, desexan "unhas felices festas á veciñanza na semana grande do Alivio,  que desfrutemos de todos os eventos programados e que sexan uns festexos seguros e inclusivos para toda a cidadanía.

 Queremos dar as gracias de maneira especial á Comisión, porque sabemos ben de todo o traballo e esforzo, da adicación e  os desvelos que supón  organizar unhas grandes festas.

 Facemos extensivo o agradecemento a todas e cada unha das comisións organizadoras de festas e romarías no noso Concello. Son moitas e todas traballan duramente de maneira desinteresada para que todas disfrutemos e para manter vivo o noso patrimonio immaterial.

 Para eses homes e mulleres vaia o noso sinceiro  recoñecemento.

 Moi felices festas a toda a veciñanza e que viva o Alivio!"