A GUARDA

Aberta a inscrición para as andainas que organiza o Concello de A Guarda 

• O 13 de setembro haberá unha saída polo concello de Lobios (Ourense), e o 11 de outubro pecharase este ciclo de andainas, cunha ruta pola Serra do Galiñeiro

Na andaina por terras de A Lama, as persoas que participaron na mesma, coñeceron a ponte de Liñares, sobre o río Xesta, no lugar de Portela Cavadiña

Foto: C.A.G.

Infogauda / A Guarda

 Tras as rutas por Braga e A Lama, realizadas en abril e maio, respectivamente, e logo do descanso do verán, as andainas organizadas pola concellería de Eventos Deportivos de A Guarda, regresan para efectuar as dúas últimas rutas.  

 Xa están abertas as inscricións para estas dúas andainas na Casa dos Alonso (terceira planta) ou ben a través do correo electrónico en turismo@aguarda.es ou no tel. 986 614 546, aínda que se priorizara a inscrición presencial.

 O 13 de setembro realizarase unha saída polo concello de Lobios (Ourense), facendo un roteiro que permitirá coñecer a súa paisaxe. 

 O día 11 de outubro pecharase este ciclo de andainas cunha ruta pola Serra do Galiñeiro, na que se poderá visitar a Cova da Becha e os petróglifos de Auga da Laxe.  

 A actividade conta con servizo de autobús para o desprazamento e guía interpretativo, polo que se establece un prezo de 20€/persoa para cada andaina. As rutas están entre os 10 e 15 kilómetros, polo que as persoas interesadas deben atoparse na condición física adecuada para realizar estes tramos e con certa dificultade polo desnivel.