Violeta de Santiago, reelexida secretaria xeral da agrupación do PSdeG-PSOE de Tomiño
Redacción / Tomiño
A agrupación do PSdeG-PSOE de Tomiño vén de celebrar asemblea extraordinaria na que saiu reelexida, por unanimidade, Violeta de Santiago como secretaria xeral.
Xunto a reelección da secretaria xeral, aprobouse tamén pola unaninimidade das e dos militantes a composición da nova comisión executiva local que tomará o mando do partido nos vindeiros anos, con a concelleira Mirta Misa, na secretaría de organización; Fernando Pino, na de administración. Como secretario de política municipal toma o relevo Óscar Portas, e na secretaría da área de acción electoral, Loly Prieto, quen recentemente tamén foi nomeada delegada para o comité nacional nunha asemblea intermunicipal do PSdeG-PSOE do Baixo Miño, na demostración de que a comarca refrenda o traballo dos socialistas de Tomiño.
A secretaría de formación estará ao cargo de Alfonso Lorenzo, e a secretaría de igualdade e cultura será Nandi de Santiago, quen a xestione.
Créanse tamén postos adxuntos a diferentes áreas con Ana Silva, Marisol Pereira e Rubén Muñoz. Unha aposta decidida para seguir impulsando e reforzando o traballo e chegar moito mais cerca da cidadanía.
A agrupación do PSdeG-PSOE de Tomiño segue a traballar por e para Tomiño, continuamente presente nas demandas da veciñanza co único obxectivo de dar voz e tratar de solucionar o que as tomiñesas e tomiñeses precisen.
Ningún comentario:
Publicar un comentario