DEPORTES

A Guarda prepárase para acoller a undécima edición do Trail do Trega 

O próximo 17 de novembro

Infogauda / Deportes

 O Trail do Trega volverá a celebrarse o próximo 17 de novembro no monte Santa Trega con dúas distancias: 12 e 18 km. 

 Trátase da terceira proba da Pontevedra Trail League, xunto as probas do Trail do Aloia e do Trail Adventure Muíños do Folón.  

 A carreira terá o seu punto de saída e de meta na Alameda para despois adentrarse na singular paisaxe do monte Santa Trega. A distancia de 12 kilómetros conta cun desnivel positivo de 500 metros, mentres que a opción de 18 kilómetros conta con 900 metros de desnivel positivo.  

 A saída efectuarase ás 10:00 horas para a distancia de 18 km, e unha hora máis tarde, ás 11:00 horas comezará a proba de 12 km. 

 As inscricións aínda se atopan abertas na páxina web da proba.

 Os participantes que completen as tres probas da Liga, recibirán un agasallo ao rematar.