CAMPOSANCOS (A GUARDA)

VÍA GALEGA CHAMA A PARTICIPAR NO ACTO DE IZAMENTO DA BANDEIRA GALEGA 

O 23 de novembro, ás 12 da mañá, na Peralta, en Camposancos

Vía Galega / Camposancos

 VÍA GALEGA vén promovendo diferentes campañas e iniciativas para propagar e popularizar os nosos símbolos nacionais, nomeadamente o himno e a bandeira. Vai para tres anos que fixamos  como semana  de exhibición da bandeira a semana coincidente co aniversario da I Asemblea Nacionalista das Irmandades da Fala.   

 Este ano, coincidindo cos 106 anos daquela  efeméride,  Vía Galega,  fai un chamamento para que durante esta semana se coloquen bandeiras galegas  nas nosas vivendas e a participar  o día 23 de novembro ás 12 da mañá no izamento da bandeira galega no lugar da Peralta, en Camposancos (A Guarda), no que se lerá o manifesto e recitarán poemas de  Marica Campo, Manuel María, e Pousa Antelo.  Este acto decorrerá simultaneamente con outros moitos  en diferentes localidades de toda Galiza.    

 Cada vez é máis necesario impulsar campañas deste tipo para evitar o ocultamento dos nosos símbolos e   para divulgar o seu uso por ser os  que nos representan,  identifican  e recoñecen como  pobo e  fortalecen a nosa conciencia e cohesión nacional.