Descobre os Viños de Adega Pateira en "Un Camiño Ben Temperado 24"
• O venres, 6 de setembro, ás 19:30h e o domingo, 8 de setembro, ás 19:30h, no Mosteiro de Oia
Benito Álvarez Gándara
Esta fin de semana, os amantes do viño e a historia teñen unha cita especial no evento "Un Camiño Ben Temperado 24", en Oia. O venres, 6 de setembro, ás 19:30h e o domingo, 8 de setembro, ás 19:30h, Adega Pateira, do Rosal, terá a honra de participar en dúas sesións de degustación que prometen ser inesquecibles.
O Mosteiro de Oia, un lugar de profunda conexión coa viticultura da rexión, acollerá estas sesións. Este histórico enclave, coñecido pola súa produción de viños albariño grazas ao traballo dos seus monxes, é o escenario perfecto para a presentación dalgúns dos viños de Adega Pateira, un proxecto familiar que aposta polo viño de autor e a pequena produción no Rosal.
Entre os concertos programados para o venres e o domingo, os asistentes poderán gozar dunha coidada selección do catálogo de viños de Adega Pateira, incluíndo tres xoias que destacan pola súa autenticidade e calidade:
• Pateira Rosé: Unha nova incorporación ao noso catálogo, este viño rosado combina frescura e carácter en cada copa. Elaborado principalmente a partir das variedades castañal e mencía, distínguese pola súa acidez viva e perfectamente ensamblada, o que lle confire unha frescura particular. A súa versatilidade convérteo nunha excelente opción para maridar cunha ampla gama de pratos, desde mariscos frescos ata queixos suaves.
• Cabaqueiro: Un monovarietal de loureira con 6 meses de crianza en barrica de carballo francés. Este viño rende homenaxe aos cabaqueiros, antigos artesáns de tellas e ladrillos da zona que regresaban a casa cada ano para axudar na vendima. Elaborado coas mellores uvas loureira, o Cabaqueiro reflicte a nosa paixón pola excelencia, cun sabor refinado e un carácter distinguido, ideal para quen busca o mellor en cada copa.
• Tinto Pateira: Un tributo aos nosos antepasados que xa elaboraban tintos a partir de mencía, castañal (rabocordeiro) e loureira tinta, entre outras variedades. Este viño tinto fresco, con boa acidez, moi equilibrado e persistente, é unha elección preferida entre os coñecedores e amantes do bo viño.
Non perdas a oportunidade de vivir esta experiencia única nunha contorna histórica e gozar da calidade e autenticidade dos viños de Adega Pateira, tamén de venda en liña en
Esperámosche en Oia!
Ningún comentario:
Publicar un comentario