A GÁNDARA (A GUARDA)

XV Torneo de cachiza 

Celebrarase este sábado, 7 de setembro,  ás 16:00 horas na rúa As Pozas (A Gándara)  

 

O coordinador das Festas das Mercedes, co alcalde e varios membros do goberno municipal de A Guarda, na presentación do XV Torneo de cachiza

Foto: C.A.G.

Ricardo Rodríguez Vicente / A Gándara 

 A Asociación Cultural e Veciñal O Percamino,  organiza e coordina o XV Torneo de cachiza. Ese evento - que conta coa colaboración do Concello de A Guarda - vai celebrarse o sábado día 7 de setembro, ás 16:00 horas, na rúa As Pozas (A Gándara).  

 As inscricións -  que estarán abertas ata ás 15:30 horas dese mesmo sábado - realízanse por parellas e teñen un custo de 10€.   

 Haberá premios para as parellas que queden clasificadas en 1º e 2º lugar, que consistirán nun trofeo e unha cea, para cada unha das parellas.  

 Para máis información, están os teléfonos: 669 031 798 (Tebi) e 680 340 784 (Roge).

Cando entrará a cachiza no Dicionario da Real Academia Galega? 

 A cachiza - substantivo feminino que o Dicionario da Real Academia Galega ainda non recolle -  é un xogo popular, tamén denominado billarda ou estornela, que - como refire a devandita fonte -consiste en dar cun pau noutro máis pequeno e rematado en punta nos extremos, que está colocado no chan, de xeito que se fai saltar e, xa no aire, dáselle un segundo golpe que o despide a maior distancia.

 Dito iso, preguntamos: cando entrará a cachiza no Dicionario da Real Academia Galega? 

 Non o sabemos. En todo caso, confiamos en que os doutos membros desa institución se dignen incorporar, sen demora, o devandito termo no Dicionario da RAG.