“Obradoiro de Autoestima e Comunicación Asertiva”
Aberto prazo de inscrición
Infogauda / A Guarda
A Asociación Érguete Baixo Miño informa que se abre o prazo de inscricións para o obradoiro de “Autoestima e comunicación asertiva”, dirixido preferentemente a mulleres dentro do Programa +Xuntas en colaboración coa Deputación de Pontevedra.
Esta actividade comezará o martes 10 de setembro ata o 26 de novembro, realizarase os martes en horario de 17:00 a 20:00h, contando cunha duración total de 35h. Este obradoiro, impartirase no local social da asociación e ten un custe de 7€.
As inscricións pódense facer de maneira presencial nas instalacións de Érguete Baixo Miño - rúa Colón, nº 20 - Edificio O Pescador - 1º piso (36780) A Guarda -, chamando por teléfono ao 986 61 44 07 / 640 086 376 (WhatsApp) ou no correo electrónico info@erguete.org deixando nome e apelidos, DNI e teléfono de contacto.
Ningún comentario:
Publicar un comentario