DEPORTES

ATLETISMO

TRES ATLETAS FEMININAS DO BAIXO MIÑO LOGRAN UNHA MEDALLA DE OURO E DÚAS DE BRONCE

No Campionato Galego Federado de pista ao aire libre 2024, das categorías de menores benxamín e alevín

Julia Martínez Ozores - no centro - e Gabriela López Cadilla - á der. - medalla de ouro e de bronce, respectivamente, en 1.000 m. l., categoría Sub10

Sociedade Atlética do Trega / Redacción Deportes 

 Na xornada de onte sábado, as pistas de Elviña (A Coruña) acolleron a celebración do Campionato Galego Federado de pista ao aire libre 2024 das categorías de menores benxamín e alevín. 

 Novamente a escola da Sociedade Atlética do Trega – Tomiño volveu o máis alto dun pódium nun autonómico. Desta vez as atletas protagonistas foron Julia Martínez Ozores e Gabriela López Cadilla, na Sub10; e Nadia Conejo Bascoy, na categoría Sub12.  

 Na Sub10, a rosaleira Julia Martínez Ozores, na proba de Gabriela López Cadilla estableceu un crono de 3´37"70 e conseguíu o título de campioa galega, colgándose a medalla de ouro. E pechando o pódium da mesma proba, a guardesa Gabriela López Cadilla, con medalla de bronce, selando así o pódium nesta proba con dúas atletas do Baixo Miño. 

Nadia Conejo Bascoy - á der. -, medalla de bronce en 1.000 m. l., categoría Sub12

 Na categoría Sub12, na proba dos 1.000 metros lisos,  a guardesa Nadia Conejo Bascoy, cun tempo de 3´25"35 fixo marca persoal, logrando o bronce, sendo novel na categoría.

 Moitas felicidades as tres atletas dos concellos da comarca Tomiño, O Rosal e A Guarda.