MÚSICA E PALABRAS
• Este venres, 5 de abril de 2024, ás 8 da tarde, na Casa Cultural da Comunidade de Montes de Camposancos
Ricardo Rodríguez Vicente / Camposancos
Se o 21 de marzo, conmemoramos o Día da Poesía, e o vindeiro 23 de abril, celebraremos o Día do Libro; temos para nós que o Música e Palabras deste venres 5 de abril, ás 8 da tarde, na Casa Cultural da Comunidade de Montes Veciñais en Man Común de Camposancos, ben pode ser unha magnífica oportunidade para entroncar as dúas datas nunha gorentosa velada, que con acerto vén impulsando a xunta reitora da devandita Comunidade.
Acordes, sons e timbres musicais, poemas, retrincos literarios,..., propios ou de autorías diversas, todo iso ten cabida en Música e Palabras, onde a cantautora María José Baz Martínez, porá súa voz e as notas da súa guitarra, como un galano, para compartir con toda a audiencia.
De feito, Música e Palabras - ademais de ser un espazo aberto á participación de quen o desexe - é sempre unha cita moi agardada, pois non en balde, achega a todas ás persoas asistentes e participantes, o recendo das mellores expresións que ao longo dos tempos, os seres humanos logramos construír.
Ningún comentario:
Publicar un comentario