TUI

O tudense Víctor Aparicio Abundancia deseña o cartel das Festas de San Telmo 2024

Víctor Aparicio Abundancia - Víctor Coyote - nunha actuación

Foto: C.T.

Infogauda / Tui

 O Concello de Tui aposta por un cambio na elaboración do cartel anunciador das festas de San Telmo, que dende este ano será encargado a creadores e creadoras tudenses. Deste xeito búscase reforzar este formato tendo en conta a importancia que o mesmo ten coma elemento comunicador e de atracción destas festas declaradas de Interese Turístico Galego.  

 Así o cartel anunciador das festas de San Telmo 2024, que se van celebrar do 30 de marzo ao 8 de abril, foi encargado polo Concello de Tui a Víctor Aparicio Abundancia (Tui, 1958) deseñador gráfico, debuxante, pintor e músico - Víctor Coyote - de recoñecido prestixio.  

 Proximamente será dado a coñecer o deseño elaborado por Víctor Aparicio para anunciar os festexos patronais de Tui deste ano.