OIA

Charla presentación do sistema de calidade turística SICTED 

• O día 29,  ás 11.00 horas, no Concello de Oia  

  

Infogauda / Oia 

 O Concello de Oia acollerá o próximo 29 de febreiro, ás 11.00 horas, unha xornada informativa  de presentación sobre o Sistema Integral de Calidade Turística en Destino (SICTED) da provincia de Pontevedra-Rías Baixas, para dar a coñecer as posibilidades que ofrece este plan de calidade. A actividade desenvolverase en horario de mañá e vai dirixida a empresas e servizos turísticos que operan na zona. 

 O SICTED é un programa da Secretaría de Estado de Turismo que se xestiona desde o organismo provincial Turismo Rías Baixas e que ten como obxectivos mellorar a competitividade das pemes e a posición das Rías Baixas como destino turístico. A obtención deste certificado de calidade non ten coste ningún para os negocios, xa que está financiado pola Deputación de Pontevedra e Turismo Rías Baixas. 

 A asistencia será libre ata completar a capacidade do espazo.