DEPORTES

Un total de 59 entidades deportivas de Galicia reciben 1,3 millóns de euros para a construción e mellora das súas instalacións  

As entidades deportivas de Pontevedra son as más beneficiadas cun total de 22 clubs e un investimento de más de medio millón de euros; A Coruña reparte 430.000 euros para 21 entidades; Lugo 308.000 euros para 14 entidades e Ourense 50.000 euros para dúas entidades deportivas

Foto: X.G.

Infogauda / Galicia

 O Diario Oficial de Galicia vén de publicar a resolución do 25 de setembro de 2023 das solicitudes para a concesión das subvencións previstas na Orde do 6 de xuño de 2023 para a concesión de subvencións dirixidas a entidades deportivas para a construción, reforma, reparación, adecuación ou mellora de instalacións deportivas. En total serán 59 entidades deportivas galegas as que se beneficiarán dun investimento total de 1,3 millóns de euros que será financiado entre 2023 e 2024.

 No caso da provincia da Coruña son 21 as entidades beneficiarias que se reparten un total de máis de 430.000 euros (430.419,83 euros). Máis polo miúdo as entidades que acadaron a subvención foron: Diver Patín Club Deportivo (24.000 euros) para adecuación ou mellora das súas instalacións; Real Sociedad Deportiva Hípica A Coruña (24.304,29 euros) para a reforma das pistas de tenis; Real Club Náutico Portosín (25.000 euros) para a reforma integral da pista de pádel; Club de Tenis Redes (25.000 euros) para a construción de pistas de tenis; Club Náutico Firrete de Pontedume (15.673,31 euros) para a mellora e reparación do cerramento do edificio; Real Aéreo Club de Santiago (25.000 euros) para a mellora da impermeabilización da cuberta; Club Piragüismo Rías Baixas (25.000 euros) para a reforma e mellora da sede do club de piragüismo; Club Ría de Betanzos (6.400 euros) para a mellora de instalacións deportivas; Agrupación de Montañeros Independentes (25.000 euros) para reforma e reparación; Club San Tirso SD (24.809,48 euros) para a reparación, adecuación e mellora da instalación; Club Zona Pádel (23.851,52 euros) para o cambio de céspede das pistas de pádel; Ximnasia Coruña (15.947,20 euros) para cambio de pranchas de teito instalación e reparación de canlón; Hércules Club del Golf E.D. (25.000 euros) para reforma, reparación e mellora; Dobok Escola de Taekwondo (25.000 euros) para reforma do local e illamento do teito; Sociedade de Montaña Ártabros (25.000 euros) para reforma e adecuación de instalacións deportivas; Club Náutico de Sada (20.000 euros) para a mellora da fachada do edificio social; Club de Tenis de Mesa Cidade de Narón (25.000 euros) para a climatización da sala de tenis de mesa no local social; Club Ximnasio Fibra (6.316,43 euros) para o arranxo da fachada principal e porta de acceso; Club Deportivo Rosalía de Vilaboa (14.277,60 euros) para cambio de focos por led no campo Juan Sabín; Club Remo Cabo de Cruz (25.000 euros) para mellora da instalación; e Agrupación Deportiva Judo Ferrolterra (4.840 euros) para tarima, baixo tatami, espellos e pintura.

 Na provincia lucense foron 14 entidades deportivas as que accederon a un investimento total de máis de 308.000 euros (308.527,46 euros). En concreto, estas entidades foron: Club Fluvial de Lugo (25.000 euros) para un circuíto deportivo con obstáculos; Racing Club Vilalbés (24.927,06 euros) para a reforma de aseos do Estadio Roca; Club Gravitty (25.000 euros) para obras de adecuación e mellora interior da edificación; Real Club Náutico de Ribadeo (25.000 euros) para melloras na instalación; Iberia Club de Fútbol (25.000 euros) para reforma e reparación; Club de Tiro Olímpico San Juan (15.270,12 euros) para melloras eléctricas, de telecomunicacións, seguridade e infraestruturas; Club Sociedade Deportiva Muimenta (25.000 euros) para cerramento de valado no campo de fútbol O Pichón; Club Deportivo Santaballés (25.000 euros) para mellora de instalacións deportivas; Club de Tiro Olímpico Cabe (25.000 euros) para reparación, reforma e mellora de instalacións; Club Taekwondo Neka de Monforte (11.917,08 euros) para mellora do ximnasio Neka; Club Asociación Deportiva Catro Roldas (19.458,36 euros) para mellora de instalacións deportivas; Club Hípico La Cruz (25.000 euros) para sistema de rego e arranxo de pistas; e Free Dojo (11.954,84 euros) para reforma e equipamento do centro deportivo.

 No caso de Ourense dúas entidades recibiron 50.000 euros. Padel Prix recibiu 25.000 euros para a remodelación das pistas de tenis exteriores, mentres que Asociación Deportiva Bosco Ourense foi beneficiaria doutros 25.000 euros para a renovación do campo de fútbol de herba artificial.

 A provincia de Pontevedra conta con 22 clubs beneficiados e cun orzamento global superior ao medio millón de euros (504.128, 10 euros). As entidades que reciben axuda para mellorar as súas instalacións son o Real Club Náutico de Vigo (25.000 euros) para a reforma da piscina; Círculo Cultural, Mercantil e Industrial de Vigo (25.000 euros) para a conexión da rede de saneamento; Sociedade Deportiva Samertolameu (25.000 euros) para a adecuación e reforma de instalacións; Club de Campo de Vigo (25.000 euros) para reforma e adecuación; Club de Tenis Pontevedra (25.000 euros) para a reforma das pistas de tenis e vestiarios; Club de Piragüismo As Torres de Catoira (11.058,43 euros) para construción dunha marquesiña; Alondras Club de Fútbol (9.438 euros) para a colocación e subministración de teitos desmontables; Sociedade Cultural e Deportiva Atlántida (25.000 euros) para construción e mellora; Pontevedra CF SAD (25.000 euros) para a reposición do céspede do estadio de Pasarón; Círculo Cultural Deportivo Sanxenxo (11.817,54 euros) para reparación de pavimentos; Liceo Marítimo de Bouzas (25.000 euros) para a reforma da escola de vela, caseta e aula teórica; Club Tenis O Rial (25.000 euros) para reparación de instalacións deportivas; Club Deportivo Sei SN (25.000 euros) para a colocación na pista de parqué pavillón San Narciso; Club de Tenis Codesal (25.000 euros) para a reparación de pistas de tenis; Club Deportivo Valladares de Vigo (25.000 euros) para mellora e reforma de instalacións deportivas; Club Marítimo de Canido (25.000 euros) para reestruturación parcial e ampliación do CM Canido; Asociación Cultural Deportiva Vilanova (25.000 euros) para a reparación de tarima, bancadas e valado protector; Club de Fútbol San Miguel (23.500,70 euros) para a reforma de fachadas e zonas de vestiarios e oficina; Federación Galega de Bolos (24.553,32 euros) para a construción dun campo de xogo; Club San José de la Guía (25.000 euros) para a reparación integral da cuberta do pavillón; Club Rápido Bahía de Aldán (24.366,51 euros) para reforma de edificación destinada a vestiarios; e Club Hípico Equigalia (24.393,60 euros) para pista de rego con fluxo e refluxo.

22 millóns para infraestruturas deportivas

O Goberno galego destina neste 2023 preto de 22 millóns de euros para a construción e mellora de instalacións deportivas, o que representa o 50% de todo o orzamento histórico da Secretaría Xeral para o Deporte da Vicepresidencia Primeira e Consellería de Presidencia, Xustiza e Deportes, que neste exercicio acada máis de 44 millóns de euros.

 Dentro deste orzamento para infraestruturas destacan dúas novas ordes de instalacións deportivas, unha para concellos e outra para entidades deportivas. No pasado mes de xullo, a Xunta de Galicia repartía 6 millóns de euros entre 148 concellos a tenor da Orde para a concesión de subvencións dirixidas a concellos para a construción, reforma, reparación, adecuación ou mellora de instalacións deportivas de titularidade municipal e para a adquisición de material deportivo inventariable. Esta orde, tivo unha segunda convocatoria de 2 millóns de euros para poder cubrir as solicitudes rexeitadas por esgotamento de crédito e outras novas peticións e será resolta nos vindeiros días. Por outra banda, hai que sumar esta orde de 1,3 millóns para instalacións de entidades deportivas que vén de ser resolta.