O CONCELLO DE A GUARDA OFRECEULLE UNHA RECEPCIÓN A CARLOS MARTÍNEZ TRONCOSO
Cónsul honorario de España, da Rexión Sur, con sede en Barahona (República Dominicana), desde 1995
Ricardo Rodríguez Vicente / A Guarda
Coa asistencia do alcalde Roberto José Álvarez Carrero, e do concelleiro de Cultura e Deportes, Celso Rodríguez Fariñas, o Goberno municipal do Concello de A Guarda, vén de ofrecerlle unha recepción a Carlos Martínez Troncoso, acto no que estivo acompañado pola súa esposa e familiares.
O alcalde Roberto José Álvarez Carrero deulles á benvida a Carlos Martínez e familiares, a Casa do Concello. A continuación, tanto o rexedor como o concelleiro de Cultura, Celso Rodríguez Fariñas, agradecéronlle ao cónsul honorario de España, da Rexión Sur, con sede en Barahona, os servizos prestados as persoas naturais de Galicia e doutras comunidades autónomas españolas, radicadas na República Dominicana, ao longo de moitos anos. De mesmo xeito, o seu apoio legal a cidadáns dominicanos que querían virse para España, facilitándolles os correspondentes procesos de xestión de documentación necesarios. Todo iso, deixando sempre o pavillón guardés moi alto, do mesmo xeito que o fixo seu pai Alfonso Martínez Peniza, que ao longo de moitos anos se dedicou a diferentes actividades (Comisión de Festas do Monte santa Trega; socio, directivo e presidente do Recreo Artístico Guardés; socio e directivo da Sociedad Pro-Monte Santa Tecla; etc.), na vila de A Guarda, contribuíndo a Cultura e tradicións do noso pobo.
Correspondendo á atención recibida do Concello de A Guarda, Carlos Martínez Troncoso pronunciou as seguintes palabras:
"Buenos días a todos los presentes:
Un saludo especial para el Excmo. Sr. Alcalde y su eficiente equipo de trabajo.
Mi presencia aquí me ha cogido de sorpresa pero me siento muy orgulloso. Soy un guardés más que emigró hace ya muchos años, no por eso me olvidé nunca de mi añorado pueblo.
Después de muchos años viviendo en la República Dominicana, por el año 1995 el Gobierno Español me concedió el nombramiento como Cónsul Honorario en la Región Sur del país que hace frontera con el vecino país de Haití. Allí tuve la oportunidad de facilitar y ayudar a resolver tanto a españoles como a dominicanos, situaciones que muchas veces parecen muy difíciles de solucionarse, pero si hay buena voluntad todo se puede resolver.
Por mi trabajo desarrollado durante 26 años, el Gobierno Español me concedió la medalla de la Orden de Isabel la Católica, en grado de Cruz de Oficial.
Aprovecho la ocasión para agradecer en memoria de mi difunto padre Alfonso Martínez Peniza, al señor Celso Rodríguez Fariñas, las gestiones realizadas tiempos atrás para lograr se pusiera su nombre a una de las calles del pueblo al que el tanto amó.
Para todos los presentes un fuerte abrazo de este guardés que nunca olvida sus raíces.
Muchas gracias".
Carlos Martínez Troncoso (A Guarda, 24 de xuño de 1936), vén desempeñando o cargo de cónsul honorario da Rexión Sur da República Dominicana, con sede en rúa Padre Billini nº 5, Santa Cruz de Barahona (Barahona), desde fai 26 anos.
Na demarcación consular de Santo Domingo existen seis consulados honorarios que representan e colaboran co Consulado Xeral na prestación de servizos consulares nas súas respectivas demarcacións.
O Goberno de España concedeulle a Carlos Martínez Troncoso, Cónsul Honorario en Barahona, a condecoración da Orde de Isabel a Católica, en grado de Cruz de Oficial, que lle foi imposta no trancurso dun cóctel celebrado o martes 29 de novembro de 2022, na Residencia da Embaixada de España (Avenida Independencia, 1205), de Santo Domingo; acto que contou coa presenza do embaixador de España en República Dominicana, os cónsules e conselleiros do Consejo de Residentes Españoles (CRE).
Ningún comentario:
Publicar un comentario