A GUARDA

Turismo de Galicia publica a licitación das obras da fortaleza de Santa Cruz

O financiamento levarase a cabo cos orzamentos da Comunidade galega dentro do Plan Xacobeo Next Generation por importe de 192.437€

Porta de socorro, na fortaleza de Santa Cruz, de A Guarda

Foto: Infogauda

Infogauda / A Guarda

 Turismo de Galicia vén de publicar na páxina web de Contratos de Galicia a licitación do proxecto de mellora dos accesos da fortaleza de Santa Cruz, no concello de A Guarda, cun orzamento base de 192.437€.

 Previamente, asinouse un acordo cooperación entre a Axencia Turismo de Galicia e o Concello de A Guarda, para poñer a disposición do departamento do Goberno autonómico os terreos precisos para acometer as obras de dotación de alumeado ecoeficiente da infraestrutura da muralla da fortaleza, a creación de controis de acceso para a xestión dos fluxos turísticos, a mellora dos accesos e a posta en valor do edificio.

 O financiamento das obras levarase a cabo en dúas anualidades, cos orzamentos da Comunidade galega dentro do Plan Xacobeo Next Generation, no marco do Plan de recuperación, transformación e resiliencia, financiado pola Unión Europea, Next Generation EU.