CONVOCATORIA DE MOBILIZACIÓNS DO COLECTIVO PENSIONISTAS E XUBILADAS DA CIG
Infogauda / Compostela
O colectivo de xubiladas/os e pensionistas da CIG convoca para mañá xoves, día 2 de marzo, concentracións en todas as comarcas para exixir a revalorización das pensións conforme ao IPC acumulado a final de ano e a recuperación dos dereitos perdidos en canto ás pensións. Un obxectivo para o que consideran que é precisa a derrogación das reformas das pensións, empezando pola de 2011 e incluíndo a de 2021.
O colectivo -especialmente castigado pola suba dos prezos dos alimentos, que se calcula que é xa 16,2%- lembra que as súas pensións son as segundas máis baixas do Estado, polo que esta suba os castiga dobremente.
As mobilizacións previstas son:
A Coruña: 11:00 horas, Casa do Mar.
Ferrol: 11.30 horas, diante do INSS.
Compostela: 11:00 horas, Praza do Toural.
Lugo: 11:00 horas, Praza Maior (diante do Concello).
Ourense: 11.30 horas, diante do INSS.
Vigo: 11:00 horas, diante do Mercado do Calvario.
Pontevedra: 11.30 horas, Praza da Peregrina.
Ningún comentario:
Publicar un comentario