A GUARDA

O BNG DA GUARDA ANIMA Á PARTICIPACIÓN NA MANIFESTACIÓN EN DEFENSA DA SANIDADE PÚBLICA  

Anxo Lois Baz Vicente (portavoz municipal do BNG no Concello de A Guarda): “Levamos anos de recortes e privatizacións do PP na sanidade pública, que nos levan ate a  grave situación que vivimos hoxe”

Anxo Lois Baz Vicente, diante do Centro de Saúde de A Guarda

Infogauda / A Guarda

 O BNG da Guarda fai un chamamento á vecinanza  da localidade a participar na mobilización do vindeiro 12 de febreiro en defensa da sanidade pública, convocada por SOS Sanidade Publica e as Plataformas, que terá lugar en Compostela.  

 “Levamos anos de recortes e privatizacións do PP na sanidade pública, que nos levan ate a  grave situación que vivimos hoxe”, explica Anxo Lois Baz Vicente. “PAC´s sen médicos, 15 días de espera para acudir o médico de cabeceira, nenas e nenos sen pediatra e as urxencias colapsadas. Hai moitas razóns para participar nesta  mobilización”, afirma o portavoz municipal do BNG no Concello de A Guarda.  

 Para acabar concluindo, “coa saúde das galegas e galegos non se xoga,  por iso o BNG da Guarda, vai estar e anima a toda a veciñanza a participar e defender a sanidade pública galega. Porque está en xogo a saúde de hoxe e de mañá.”