O BAIXO MIÑO

Polo 40 aniversario da formación 

O BNG no Baixo Miño homenaxeará aos seus militantes máis antigos 

Este venres 9 de decembro, ás 20:30h nun acto aberto no Centro Goianés, en Goián (Tomiño) 

 

Infogauda / O Baixo Miño

 O Bloque Nacionalista Galego organiza un acto homenaxe á militancia histórica da formación nacionalista na comarca. 

 No acto, que terá lugar este venres día 9 de decembro, ás 20:30 horas, no Centro Goianés de Goián (Tomiño), intervirán Xosé Manuel Méndez e Santos Rodríguez, dous dos militantes históricos da comarca, e Sandra González, alcaldesa de Tomiño.  

 A maiores, Rubén Cela, presidente da Fundación Galiza Sempre e membro do Consello Nacional do BNG falará do libro “40 anos ao servizo da Galiza. BNG, 1982-2022” no que se recollen episodios como o encarceramento no 1989 de Francisco Rodríguez, pasando pola revolta de Allariz protagonizada por Anxo Quintana até a década de reflexión que se abriu tras Amio en 2012 e o novo teito electoral en escanos das eleccións de 2020. Na obra recóllense tamén imaxes históricas, algunas delas inéditas.