DEPORTES

FÚTBOL

Primeira Rexional - Grupo 5

O SPORTING GUARDÉS RECIBIRÁ AO ATL. CUNTIS

• O domingo, 20 de novembro, ás 16:15 h, no Estadio Municipal A Sangriña

Ricardo Rodríguez Vicente / A Guarda

 O vindeiro domingo, día 20 de novembro, ás 16:15 horas, no Estadio Municipal A Sangriña disputarase un encontro de fútbol de Primeira Rexional - Grupo 5, entre o Sporting Guardés e o Atlético Cuntis.

 O partido preséntase aberto a todas as posibilidades, toda vez que o conxunto local, con 7 puntos, ocupa o posto 18º da táboa clasificatoria, polo que debe ter como obxectivo lograr reter os puntos en xogo. Pola súa banda o equipo visitante, con 12 puntos no seu haber, e situado no posto 12º, vai vir ata A Guarda con ansia de lograr á victoria. Iso é o normal.  

 Non está o equipo que dirixe Víctor López no seu mellor nivel de xogo, xa que dos 10 encontros que leva disputado, tan soio acadou dúas victorias e un empate. E no tocante a goles, logrou 11 a favor e encaixou 18. Os números reflicten claramente como está a situación.

 Dese xeito, os xogadores guardesistas deberán bater o cobre se queren sair da última posición na que se atopa o Sporting Guardés e tentar, deportivamente falando, ofrecerlle unha alegría aos seareiros de A Guarda e súa contorna, que dito sexa de paso, coidamos que tamén á merecen.