CULTURA

MANUEL FERNÁNDEZ ÁLVAREZ, DO ROSAL, NOVO TROMPETA PRINCIPAL DA ORQUESTRA SINFÓNICA DE GALICIA

    

Manuel Fernández Álvarez

Foto: O.S.G.

Orquestra Sinfónica de Galicia

 Manuel Fernández Álvarez, novo trompeta principal da Sinfónica de Galicia tras gañar a praza nas audicións celebradas o luns e martes desta semana. 

 

 Natural do Rosal (Pontevedra), formouse nos conversatorios de Vigo e Castela e León. Na súa formación complementaria contou, entre outros, con profesores como Laura Vukobratovich, Esteban  Batallán, Mark  Ridenour, Allen  Vizutti,  Ole Edvard  Antonsen, Javier Simó e co falecido trompeta principal John Aigi e cuxo posto vacante ocupará desde agora no conxunto orquestral. 

 A súa experiencia orquestral comeza en orquestras novas, a Orquestra Nova da OSG, Orquesta Joven Nacional de España, Joven Orquesta de la Comunidad de Madrid e a  Holencourt  Soloist  Chamber Orchestra, de Bruxelas. Colabora coa Orquesta Sinfónica de Castilla y León, a Orquesta de la Comunidad de Madrid, Orquesta Sinfónica de Illes Baleares, Orquesta Radio Televisión Española e a propia Sinfónica de Galicia. En 2019 obtivo a praza de trompeta solista na Sun Symphony Orchestra de Vietnan e en agosto de 2021 gaña a praza de trompeta solista na Orquestra Sinfónica de Amberes, en Bélxica. 

 Parabéns Manuel, estamos encantados de que formes parte da gran familia da Orquestra Sinfónica de Galicia.