16 de maio de 2022

DEPORTES

 ATLETISMO

EMILIA RODRÍGUEZ BAZ, CAMPIOA DE GALICIA DE 5.000 METROS MARCHA

EDUARDO GARCÍA FERNÁNDEZ LOGROU A MEDALLA DE OURO AUTONÓMICA NOS 800 METROS LISOS


Emilia Rodríguez Baz (Milu), no podio coa súa medalla de ouro nos 5.000 metros marcha

Eduardo García Fernández (Edu)


Sociedade Atlética do Trega

 Os atletas guardeses veteranos Emilia Rodríguez Baz (Milu), e Eduardo García, membros da Sociedade Atlética do Trega, de Tomiño, non se baixan do pódium nos Campionatos de Galicia Máster de pista ao aire libre individual. 

 Concretamente este domingo, as pistas do Estadio Gregorio Pérez Rivera (Lugo), acolleron o  XXXV Campionato Xunta de Galicia. A primeira en participar foi a marchadora  Emilia Rodríguez Baz (Milu), que disputou a final do 5.000 m marcha, na cal participaron 5 atletas en todas as categorías en conxunto, onde a nosa atleta entrou en meta en primeiro lugar cun rexistro de 28:19:53, moi lonxe da súa mellor marca persoa, proclamándose campioa de Galicia na súa respectiva categoría.  

 O outro atleta do día foi o seu compañeiro do club Eduardo García Fernández (Edu), que participou na proba de medio fondo de 800 metros lisos, onde non deu tregua ao resto de rivais, que foron oito en total (de 35 a 54 anos) da súa respectiva final marcando un tempo de 2:09:40 - non mellorando a súa respectiva mellor marca persoal -, facéndose co ouro autonómico.  

Moitísimas felicidades aos dous!

Ningún comentario:

Publicar un comentario