Aberto o prazo para a solicitude de participación na II Mostra Creativa do Baixo Miño
• Que terá lugar o sábado 30 de xullo na praza de Avelino Vicente
• E no que poderán participar persoas deseñadoras, marcas e artesáns da nosa comarca. A inscrición será de balde e estará aberta ata o día 28 de xullo
Infogauda / A Guarda
O Concello de A Guarda segue apostando polo emprendemento e por visibilizar a gran cantidade de marcas e talentos creativos que temos na nosa comarca, xa sexan de artesanía ou en formas máis modernas de expresión.
Entre as accións promovidas polo Goberno municipal está a Mostra Creativa do Baixo Miño, cuxa segunda edición terá lugar o sábado 30 de xullo na praza de Avelino Vicente, de A Guarda.
Un dos obxectivos da iniciativa, que tivo a súa primeira convocatoria no 2021, é acadar que a mostra se poda consolidar como un evento de referencia e con periodicidade anual onde mostrar o gran talento que temos no Baixo Miño. Por isto desde o Concello de A Guarda e Acontravento, marca de roupa local, convidan a todas as persoas deseñadoras, marcas e artesáns da nosa comarca que desexen participar, a que cubran a ficha de inscrición e a envíen ao correo electrónico info@acontravento.gal
Ningún comentario:
Publicar un comentario