TOMIÑO

A OMIX suma adestramento canino e cestería á súa oferta de formación  

Esta fin de semana terá lugar un evento de mapeo de vídeos na Casa do Concello de Tomiño, cunha proxección sobre a fachada do inmoble 

Infogauda / Tomiño

 Últimos días para anotarse no obradoiro de mapedo de vídeo organizado pola Oficina Municipal de Información Xuvenil (OMIX), esta fin de semana no Concello de Tomiño. Na páxina web www.tomino.gal, segue aberto o prazo de inscrición para aprender a proxectar imaxes en movemento e con música.

 Dende Navarra e a bordo da súa máquina voadora chega a Tomiño o artista visual Miguel Martínez Caraballo para impartir un obradoiro de mapeo de vídeos o vindeiro venres, 8 de abril. O alumnado participará activamente durante dous intensos días de formación e proxectará sobre a fachada do concello o videomapping realizado.

Horario curso: venres e sábado de 19h a 21h

EVENTO MAPEO DE VIDEO: sábado ás 22h

Idade: A partir de 12 anos

Lugar: Salón de Plenos do Concello de Tomiño

Prezo: 20€

Outra proposta para este mes é un curso teórico-práctico de pintura básica impartido por Gemma Marqués, co obxectivo de entender a teoría da cor, aprender a misturar as cores dun xeito rápido e eficaz, facer gamas de cor, aplicalas nos cadros e así poder crear obras cunha técnica axeitada, fácil e rápida.

Data de inicio: mércores 20 de abril

Horario: mércores de 17h a 18.30h

Idade: a partir de 12 anos

Lugar: OMIX Tomiño

Data de finalización: 11 de maio

Prezo: 15€

Ademais xa é posible facer a inscrición para os NOVOS CURSOS DE MAIO

CURSO DE ADESTRAMENTO CANINO (iniciación)

 Neste curso impartiranse nocións para lograr unha boa comunicación con cans e cadelas; diferentes opcións de materiais dispoñibles no mercado; utensilios de paseo, correas, arneses ou colares, xoguetes etc. Coñeceranse as necesidades das mascotas, como satisfacelas axeitadamente e as bases do adestramento básico para o día a día, como por exemplo unha chamada efectiva. As persoas interesadas deberán asistir ao curso coa súa mascota, aínda que se permitirá tamén a asistencia de persoas en calidade de oíntes.

Data de inicio: sábado 7 de maio.

Horario: sábados de 11 a 13h

Idade: a partir de 12 anos

Lugar: Escola Obradoiro de Goián

Data de finalización: 4 de xuño.

Prezo: 20€

CURSO MONOGRÁFICO DE CESTERÍA: A CESTA MIXTA

 Curso especializado nunha peza en particular, neste caso, a cesta mixta. Este curso dividirase en dúas partes; unha teórica e outra práctica. Na primeira parte aportaranse datos detallados sobre a peza a tratar e datos sobre a identificación das materia primas que se empreguen. Cada participante aprenderá a confeccionar, crear e compoñer a súa propia peza, coa guía que aporte o docente.

Data: día sábado 21 de maio

Horario: de 10 a 13h e de 16h a 20h

Idade: a partir de 12 anos

Lugar: Escola Obradoiro de Goián

Prezo: 10€

CORRECCIÓNS IMPORTANTES DATAS CURSOS OMIX

 No día de hoxe, xoves 7 de abril de 2022, recibimos do Concello de Tomiño, un correo electrónico coas seguintes indicacións:

   

 Pregamos corrixades dous cambios que nos envían desde a OMIX Tomiño, en relación ás datas dos cursos para os vindeiros meses:  

 1) En primeiro lugar, o obradoiro de vídeo mapping, inicialmente previsto para o vindeiro venres, 8 de abril, por razóns de forza maior, tivo que retrasarse para a fin de semana do 23 e 24 de xullo. 

 

 2) En segundo lugar, o curso de adestramento canino comezará o sábado 14 de maio e rematará o sábado 11 de xuño.  

 PERDOADE AS MOLESTIAS.