A GUARDA

A Casa dos Alonso acollerá a presentación do libro “Palabras como corpos prata”  

• O libro, de Joaquín Cadilla, será presentado ás 18:00h do sábado día 30 de abril 

Infogauda / A Guarda

 O vindeiro sábado día 30 de abril ás 18:00h será presentado na Casa dos Alonso o libro “Palabras como corpos prata” de Joaquín Cadilla, unha obra que inclúe máis de corenta poemas.  

 O acto será presentado polo escritor e xornalista Manrique Fernández e no mesmo intervirán homes e mulleres do mar de A Guarda, que darán lectura a varios poemas para rematar cunha actuación musical a cargo da artista guardesa Laura Tantes, que interpretará varios temas tradicionais.  

 O libro estará dispoñible no acto e o seu prezo será en forma de doazón, destinadas integramente á Asociación Avelaíña. Tamén estará dispoñible en vindeiras datas nas librarías da vila.