VIGO

Inaugurada en Vigo a Oficina de Tramitación Electrónica de  MUFACE  

• O acto estivo presidido polo delegado do Goberno, José  Miñones 

• A secretaria de Estado de Función Pública, Lidia Sánchez destaca a importancia da deslocalización administrativa e a innovación durante a inauguración da nova sede.  

A nova Oficina de Tramitación Electrónica (OTE) de  MUFACE foi inaugurada esta mañá na sede da Mutualidade, situada na Zona Franca de Vigo. A presentación  correu a cargo da secretaria de Estado de Función Pública, Lidia Sánchez; o alcalde de Vigo, Abel Caballero; e a directora xeral de  MUFACE,  Myriam Pallarés. Interveu tamén o delegado do Estado na Zona Franca, David  Regades. 

Fotos: S. de G.

Infogauda / Vigo

 A nova Oficina de Tramitación Electrónica (OTE) de  MUFACE foi inaugurada esta mañá na sede da Mutualidade, situada na Zona Franca de Vigo. O acto estivo presidido polo delegado do Goberno en Galicia,  José  Miñones. A presentación  correu a cargo da secretaria de Estado de Función Pública, Lidia Sánchez; o alcalde de Vigo, Abel Caballero; e a directora xeral de  MUFACE,  Myriam Pallarés. Interveu tamén o delegado do Estado na Zona Franca, David  Regades.  Asímismo estiveron presentes a subdelegada do Goberno en Pontevedra,  Maica  Larriba; o director provincial da Mutualidade en Pontevedra, Ramiro Rodríguez, responsable da nova oficina; e o xefe da Oficina Delegada en Vigo, Gonzalo  Malvido, entre outros. José Miñones destacou que esta nova oficina “evidencia o compromiso deste goberno coa descentralización dos organismos públicos. Un compromiso que busca apontoar a cohesión social e territorial, así como facer fronte ao reto demográfico. Ademais, a  OTE vén materializar as políticas de modernización e de dixitalización dunha Administración que persegue responder cada día mellor ás necesidades da cidadanía”. 

 Pola súa banda, a secretaria de Estado de Función Pública, Lida Sánchez,  subliñou os valores inspiradores deste proxecto: “A innovación, a cooperación e a deslocalización territorial. Todo iso orientado a procurar a máxima igualdade na prestación de servizos ás persoas independentemente do seu lugar de residencia ou capacidades”.  

Asímismo estiveron presentes a subdelegada do Goberno en Pontevedra, Maica  Larriba; o director provincial da Mutualidade en Pontevedra, Ramiro Rodríguez, responsable da nova oficina; e o xefe da Oficina Delegada en Vigo, Gonzalo  Malvido

 O alcalde de Vigo e presidente da Zona Franca, Abel Caballero asegurou que “é un proxecto de colaboración que vemos cun enorme entusiasmo. Estamos encantados de cooperar porque o resultado é un mellor servizo para os cidadáns”.  

 Igualmente,  o delegado do Estado na Zona Franca de Vigo, David  Regades destacou que o feito de que “a primeira oficina de Muface descentralizada instálese en Vigo é unha gran noticia. Supoñerá un antes e un despois para  Muface pero tamén para a Zona Franca e para a cidade de Vigo, que se pon á vangarda". 

 A directora xeral de  MUFACE conduciu a visita que se realizou posteriormente ás novas dependencias da  OTE, onde tamén se sitúa a Oficina Delegada da Mutualidade en Vigo. 

 O novo centro realiza a tramitación de expedientes provenientes de calquera outro Servizo Provincial da Mutualidade, unha xestión  plenamente electrónica e para a que o primeiras cinco funcionarias alí destinadas foron formadas nas últimas semanas.  Dada a previsión de crecemento da carga de traballo da  OTE,  previuse que a medio/longo prazo sexan 20 persoas as que presten servizo na oficina.  

Beneficio para os  mutualistas 

 A maior axilidade das xestións da  OTE e o seu beneficio para os  mutualistas evidenciouse na demostración realizada durante a visita guiada por  Myriam Pallarés, xa que expedientes que están a sufrir atrasos de varios meses por saturación en grandes oficinas de  MUFACE como Madrid, Sevilla, Valencia ou Málaga  serán resoltos en canto teñan entrada no rexistro electrónico.