Máis dunha vintena de persoas participou a pasada fin de semana no Curso de Iniciación á Apicultura no Rosal
Infogauda / O Rosal
A pasada fin de semana, 15 e 16 de xaneiro de 2022, máis dunha vintena de persoas participaron no curso de iniciación á apicultura realizado no Rosal en colaboración entre www.cursosapicultura.com e Apicultura Niño do Corvo.
Un curso de apicultura, ideal para iniciarse neste fantástico mundo das abellas e a produción de mel, no que os participantes obtiveron toda a información para poder iniciarse e coñecer máis sobre a apicultura, coa oportunidade de visitar abellarizas de Apicultura Niño do Corvo no Rosal.
“Desde Apicultura Niño do Corvo e www.cursosapicultura.com agradecemos a todos os participantes a confianza depositada en nós, esperando cumprir os obxetivos marcados e esperando repetir esta gran experiencia proximamente. Apicultura Niño do Corvo é unha empresa situada na rúa Ramón Franco número 21 no Rosal (Pontevedra), dedicada á venda de material, formación e asesoramento para apicultores e para persoas que lles guste e quéiranse iniciar no mundo da apicultura”, dixo o emprendedor Marcos Rodríguez Portela.
Na actualidade elabora o mel “Niño do Corvo”, proveniente do máis dun centenar de colmeas que posúe a empresa en zonas boscosas da comarca do Baixo Miño, a horta e o xardín do sur da provincia de Pontevedra.
Tamén conta coa súa tenda en liña en www.apiculturagalicia.es
Ningún comentario:
Publicar un comentario