DEPORTES

FÚTBOL

Regional Preferente, 1ª Fase, Grupo 2 Sur, Subgrupo 2 B

EL SPORTING GUARDÉS LOGRA PUNTUAR NUEVAMENTE EN SU FEUDO

José María Salcidos González / A Guarda

 Partido correspondiente a la 8ª jornada del Campeonato de Regional Preferente, 1ª Fase, Grupo 2 Sur, Subgrupo 2 B, disputado en el Estadio Municipal de A Sangriña entre los equipos Sporting Guardés (9º clasificado con 7 puntos) y C.D. Velle (8º clasificado con 8 puntos).   

 Entrada: floja.   

 Temperatura: 17º.   

SPORTING GUARDÉS: 1 

 Tomé, Enma, Samu (Sergio, min. 64), Sergi, Solla (Fabio, min. 26), Marcos, Manu (Varela,  min. 67), Luis, Tucho (Víctor, min. 67), Santi (Rubén, min. 87) y Guilherme.   

C. D. VELLE: 0 

 David, Adrián (Carlos Antonio, min. 46), Adrián González, Miguel Ángel, David Rodríguez, Martín, Brais (Carlos, min. 60), Luis (Adrián Blanco, min. 46), Raúl (Sergio, min. 83) David Gil y Braian (Alberto, min. 46).   

GOLES: 1 – 0, Tucho, min. 19   

ÁRBITRO: Nicolás Erespe Tireux, auxiliado en las bandas por Pedro Mirazo Insua y Diego García Agra, de Santiago. 

 Mal arbitraje el del Sr. Erespe Tireux. No se entendió con uno de sus jueces de línea. Consintió la dureza del equipo visitante. Estuvo todo el partido pendiente del auricular y se preocupó mas de lo que pasaba fuera del campo que de lo que ocurría dentro del mismo. 

 Amonestó por el C.D. Velle a David Rodríguez, Martín, Braian, Adrián Blanco y Carlos Antonio. Por el Sporting Guardés el amonestado fue Varela. 

COMENTARIO 

 Partido de claro dominio local, con una primera parte en la que el Sporting Guardés tuvo varias ocasiones de gol aunque solo materializó una. Hubo momentos de buen fútbol.

 La segunda parte fue completamente distinta ya que los locales se dedicaron mas a destruir que a jugar y resultó deslucida, aunque nunca peligró el resultado.   

 El próximo fin de semana el Sporting Guardés se desplaza a Atios.

 En la crónica del anterior partido hacíamos un llamamiento al Sr. Alcalde por la promesa que había hecho, relacionada con la deficiencia del sonido. Pues bien, al César lo que del César, D. Antonio Lomba cumplió con su compromiso ya que estuvieron los técnicos tratando de solucionar el problema y, en parte, quedó arreglado. Esperamos que cuando vengan las piezas que faltan quede solucionada esta deficiencia al cien por cien.

PORTOS

A Xunta de Galicia ten en marcha un plan de renovación de elementos de seguridade en 69 dos 122 peiraos de titularidade autonómica  

Portos de Galicia inviste 153.000 euros na reposición de varandas e pasamáns en máis da metade das dársenas dependentes do Executivo galego

Vista do pintoresco porto de A Guarda desde o Museo do Mar

Foto: Infogauda

Infogauda / Santiago de Compostela

 A Consellería do Mar, a través de Portos de Galicia, ten en execución un plan de renovación de elementos de seguridade en máis da metade das dársenas de titularidade da Xunta de Galicia. Esta actuación inclúe melloras en 69 dos 122 portos autonómicos e afecta ás tres provincias costeiras.

 Os traballos consisten na retirada e reposición de máis de 1.500 metros de varandas e pasamáns situados en distintos puntos dos peiraos autonómicos como elementos de seguridade e que presentaban danos debido á corrosión provocada pola salitre ou a accidentes ou afectacións derivadas do seu uso. Este plan conta cun investimento global de 153.000 euros a cargo do organismo portuario autonómico.

 Por zonas administrativas, na Zona Norte -a costa cantábrica- renovaranse as varandas dos portos de Foz e San Cibrao. En canto á Zona Centro -a franxa atlántica da provincia da Coruña- o plan desenvólvese nos portos de Pontedeume, Miño, Betanzos, Sada, Lorbé, Santa Cruz, San Pedro Visma, Suevos, Caión, Malpica, Barizo, Corme, Laxe, Camelle, Arou, Santa Mariña de Camariñas, Camariñas, Muxía, Fisterra, Corcubión, Cee, Ézaro, O Pindo, Portocubelo, Muros, Os Muíños, Esteiro, O Freixo, A Barquiña de Outes, O Conchido, A Barquiña de Noia, Testal, Porto do Son, Corrubedo, Aguiño, Castiñeiras, Ameixida, Ribeira, Palmeira, A Pobra do Caramiñal, Escarabote, Cabo de Cruz, Bodíón e Rianxo.

 Polo que respecta á Zona Sur -a provincia de Pontevedra-, actuarase nos portos de Pontecesures, Carril, As Sinas, Vilanova de Arousa, San Miguel de Deiro, Cabodeiro, O Xufre, O Campo, Tragove, Santo Tomé, O Grove, Raxó, Aguete, Aldán, Cangas Moaña, Meira, Cesantes, Panxón, Santa María de Oia, A Guarda, A Pasaxe e Tui.

FORESTAL

O director xeral de Planificación e Ordenación Forestal asistiu hoxe á XXVI Festa da castaña e do cogomelo de Riós 

A Xunta de Galicia impulsará en 2022 unha nova liña de axudas por un importe de 4,5 M€ para fomentar a plantación de castiñeiros e a recuperación de soutos tradicionais  

José Luis Chan puxo de relevo este investimento previsto nos orzamentos do ano que vén, así como o Plan de recuperación de soutos tradicionais que actuará en Riós e noutros 44 concellos galegos para poñer en valor ata 2.000 hectáreas deica o 2025

Tamén se referiu á Unidade Técnica do Souto que traballará na xeración de planta adecuada para o desenvolvemento deste sector estratéxico ou ás actuacións do Goberno galego para combater doenzas como a avespiña ou o chancro do castiñeiro

Castiñeiros

Foto. X.G.

Infogauda / Riós (Ourense)

 Os orzamentos da Xunta de Galicia do ano que vén contemplan unha nova liña de axudas que destinará 4,5 millóns de euros a fomentar as plantacións de castiñeiros e a recuperación de soutos tradicionais. Así o destacou o director xeral de Planificación e Ordenación Forestal, José Luis Chan, que -acompañado do delegado territorial da Xunta en Ourense, Gabriel Alén- asistiu hoxe á XXVI Festa da castaña e do cogomelo de Riós, onde puxo de relevo -ademais- que esta localidade ourensá é unha das 45 seleccionadas en toda a comunidade para poñer en valor ata 2.000 hectáreas de soutos tradicionais deica o ano 2025, no marco do Plan Forestal de Galicia e da Lei de recuperación da terra agraria.

 A maiores, o director xeral apuntou que a 1ª revisión do Plan Forestal de Galicia 2021-2040 “Cara á neutralidade carbónica” establece, no caso concreto do castiñeiro, a creación de novas superficies de soutos para a produción principal de castaña, dende as 3.500 ha no primeiro quinquenio ata un total de 8.000 hectáreas en 20 anos. Así mesmo, aposta por novas superficies de soutos para a produción principal de madeira: 2.000 ha ata o ano 2025 e 8.000 ha deica o horizonte do 2040. Mirando ao 2025, tamén se contempla ter elaborado ese ano o Plan estratéxico do castiñeiro de Galicia.

 Neste contexto, José Luis Chan afirmou que a Xunta seguirá apostando tamén pola Unidade Técnica do Souto, cuxas liñas prioritarias son o deseño, a planificación, a execución, o seguimento e o control de cara á xeración de planta adecuada para o desenvolvemento deste sector estratéxico. Nesa liña, quixo lembrar que o Goberno galego leva anos actuando contra as doenzas que afectan esta especie, para minimizar o seu impacto na produción de froito ou de madeira. Así, para combater a avespiña do castiñeiro, este 2021 investíronse máis de 2,2 millóns de euros na solta de preto de 1,6 millóns de exemplares de Torymus sinensis, co fin de establecer poboacións estables que logo colonizarán o resto de masas. En relación co chancro, a Consellería do Medio Rural destinará entre este ano e o que vén máis de 635.000 euros para loitar contra esta doenza mediante a inoculación de 32.000 pés desta árbore na nosa comunidade.

 Canto ao valor económico do sector, cómpre resaltar que a produción de castaña, sobre todo en zonas de alta montaña, estímase en 20 millóns de quilos en Galicia, o que supón preto duns 50 millóns de euros unha vez comercializado este produto.

 No que se refire aos cogomelos, o director xeral de Planificación e Ordenación Forestal fixo fincapé en que o Plan Forestal aposta por este e outros aproveitamentos forestais de cara a promover a multifuncionalidade dos montes da nosa comunidade. Nese senso, puxo en valor que Galicia conta cunha regulación específica para este tipo de aproveitamentos, a través dun decreto publicado en maio do 2020. Esta norma, dixo, contribúe ao fomento deste recurso e facilita tamén as accións de formación e investigación, para impulsalo ben como actividade principal ben como actividade complementaria que contribúa a aumentar o nivel de renda no rural.

 Cómpre engadir que o subdirector de Mobilidade de Terras, Alejandro Sánchez de Dios, recibiu a Castaña de ouro nesta XXVI Festa da castaña e do cogomelo de Riós, recoñecemento que recaera no conselleiro do Medio Rural, José González, na edición de 2019.

MEDIO AMBIENTE

Galicia presenta na COP26 as liñas mestras da futura Lei do clima co reto de acadar a neutralidade climática  

A conselleira de Medio Ambiente, Territorio e Vivenda, Ángeles Vázquez, participou na Asemblea da Coalición Under2 e reuniuse con representantes de rexións deste grupo co obxectivo de enriquecer a norma galega coas súas achegas e experiencia

Na súa intervención no Encontro de membros europeos, avanzou o contido da Lei e salientou que “Galicia pode e quere ser parte da solución ao problema do cambio climático e ser un actor destacado a nivel nacional e internacional”  

A declaración do clima como “suxeito de dereito” será un dos eixos sobre os que se artellará a futura normativa galega

A conselleira participou na Asemblea Xeral da Coalición Under2

Fotos: X.G.

Infogauda / Glasgow (Escocia)

 A Xunta de Galicia aproveitou hoxe a súa participación na 26ª Conferencia das Nacións Unidas sobre o Cambio Climático en Glasgow —COP26— para dar a coñecer as liñas mestras da futura Lei do clima galega, un documento no que xa está a traballar co reto de dotar á Comunidade dun marco normativo propio que contribúa á consecución da neutralidade climática en 2050.

 En nome e representación da Xunta, a conselleira de Medio Ambiente, Territorio e Vivenda, Ángeles Vázquez, mantivo ao longo do día toda unha serie de contactos con representantes dos estados membros da Coalición Under2, o grupo máis importante de estados e rexións comprometidos coa redución das súas emisións de gases de efecto invernadoiro para loitar contra o cambio climático.

 De feito, esta mañá a conselleira participou na Asemblea Xeral da Coalición Under2, un escenario que aproveitou para intercambiar opinións e recoller as achegas e experiencias doutros países adheridos a este movemento co fin de enriquecer o contido da futura Lei do clima de Galicia.

 A continuación, interveu no Encontro de membros europeos da Coalición Under2, onde tivo a oportunidade de expoñer, ante un nutrido grupo de representantes do continente, a experiencia da Comunidade galega e as novas ferramentas das que se vai dotar. “Galicia pode e quere ser parte da solución ao problema do cambio climático e ser un actor destacado a nivel nacional e internacional”, subliñou.

 Ademais, Ángeles Vázquez tamén tivo ocasión de reunirse este mediodía con membros da Comisión de Medio Ambiente, Cambio Climático e Enerxía do Comité Europeo das Rexións, un encontro de traballo no que os asuntos principais que se abordaron foron os novos obxectivos marcados este verán pola UE nesta materia e as estratexias a seguir en clave europea para acadar o seu cumprimento nos prazos establecidos.

Oportunidade única para establecer sinerxías

 O cumio que acolle estes días a cidade escocesa de Glasgow representa unha oportunidade única para poñer en contacto a gobernos de todo o mundo e abrir un debate ao máis alto nivel sobre os proxectos e iniciativas que cada rexión está a promovernos seus territorios para frear o avance deste fenómeno global.

 Así e tendo en conta que a Xunta se atopa inmersa na elaboración da Lei do clima de Galicia, a conselleira aproveitou a súa participación na COP26 para establecer sinerxías con outras rexións tamén comprometidas de xeito ambicioso en reducir as emisións GEI así como para compartir as estratexias que nesta materia impulsa o Goberno galego.

 Neste sentido, a futura normativa galega artellarase ao redor dunha decena de eixos, entre os que destaca principalmente a declaración do clima de Galicia como suxeito de dereito, en liña coa Declaración de principios éticos en relación co cambio climático, asinada pola Unesco en 2017.

 Así mesmo, cómpre citar o establecemento dunha nova orde de prioridades na política, a economía, a industria e a vida cotiá, acorde co nivel de preocupación internacional que xera o cambio climático; reflectir o compromiso de Galicia por conseguir a neutralidade climática en 2050, asumindo as actuacións que contribúan xa en 2030 á redución do 55% das emisións na Unión Europea con respecto a 1990.

 A lei basearase na Estratexia galega de cambio climático e enerxía 2050 e buscará acelerar o camiño para garantir a preservación dos recursos naturais e a recuperación e fortalecemento da actividade económica. Ademais, estará enmarcada tamén dentro dos obxectivos da Axenda 2030 e terá en conta que a innovación verde debe estar estreitamente relacionada coa equidade e a xustiza social.

 Cómpre lembrar que Galicia leva anos asumindo un papel de liderado en España e en Europa no que respecta á loita contra o cambio climático, incorporándoa de forma transversal en todas as súas políticas e aprobando a finais de 2019 a Estratexia galega de cambio climático e enerxía 2050, unha folla de ruta en clave galega que no seu primeiro ano e medio de aplicación xa permitiu poñer en marcha preto de 200 medidas cun investimento de máis de 300 millóns de euros.

 Para continuar na mesma liña e avanzar no obxectivo final da neutralidade climática, a Xunta promove tamén unha gran Alianza galega polo clima co obxectivo de poñer en marcha unha rede de organizacións de todo tipo implicadas na loita contra o cambio climático, a mellora do medio ambiente e o impulso dunha economía circular.