A GUARDA

A Guarda remata o ano con contacontos, títeres e a visita do Apalpador  

• O Concerto Ventos de Nadal, previsto para o mércores 29, foi anulado por protocolo COVID-19.  

Infogauda / A Guarda

 A programación do Nadal 2021 continúa na Guarda, nesta derradeira semana de 2021 con diferentes propostas  (contacontos, títeres e a visita do Apalpador), para todos os públicos. 

 Mañá martes día 28 de decembro ás 18:00h o Centro Cultural acollerá o espectáculo “Little Neno descobre a… Os Beatles”. 

 Dese xeito, A Guarda será o concello que acollerá a primeira actuación da xira galega do espectáculo familiar de Little Neno, un contacontos recomendado para tódalas idades e no que o público descubrirá o mundo dos Beatles dunha forma amena e divertida. Ademais é un espectáculo inclusivo xa que é signado tanto no conto coma nas cancións. 

 Little Neno é un cativo que cada vez que durme aparece no universo dalgunha banda de música lendaria. Trátase dun contacontos teatralizado e musicalizado dirixido para desfrutar con tódala familia, cun pequeno concerto o final. 

 Reserva de entradas en www.evenbrite.es   

 Para a xornada do mércores día 29 de decembro estaba prevista a realización do Concerto Ventos do Nadal a cargo da Agrupación Musical de A Guarda, pero por protocolo COVID-19 foi anulado.

  

 Continúa a programación o xoves día 30 de decembro ás 18:00h no Centro Cultural, con Titiricircus. 

 Titiricircus é o "todoterreo" da nosa carteleira, con máis de 1.200 representacións. Trátase dunha lembranza fantástica e festiva do grande circo de carpa alta e bicolor: a historia de dous vellos traballadores daquel circo que lembran agora con marionetas de fíos as glorias do seu pasado na pista. 

 Nun permanente xogo participativo co público, van aparecendo os números máis importantes daquel vello circo xa desaparecido: o home máis forte da Península Ibérica, o malabarista máis divertido e bailadeiro do mundo... 

 Reserva de entradas en www.evenbrite.es   

 Xa para rematar a semana, o venres 31 de decembro chegará á Guarda o Apalpador, que  a partires das 13:00h. realizará un pasacalles polo centro da vila. Trátase dunha actividade enmarcada no programa “Nadal en Galego”, do Departamento de Lingua, da Deputación de Pontevedra.

 

AXENDA DE NADAL

 

MARTES 28 DE DECEMBRO

18:00h Centro Cultural

“Little Neno descobre a… Os Beatles”, de A Reixa Produccións

Reserva de entradas en eventbrite.es

 

XOVES 30 DE DECEMBRO

18:00h Centro Cultural

TITIRICIRCUS, con Tanxarina Títeres

Reserva de entradas en eventbrite.es

 

VENRES 31

13:00h Pasarrúas polo centro da vila

O Apalpador chega á Guarda

Organiza Deputación de Pontevedra

 

DO 3 AO 5 DE XANEIRO

CARTEIROS DO NADAL polas rúas de A Guarda

Horario: 3 e 4 de 17:00 a 20:00h.

                 5, de 11:30 a 14:30h.

 

MARTES 4 DE XANEIRO

17:30h Alameda

CIRCO RASNOVARAK, con Troula Animación

Espectáculo de rúa con animais xigantes

 

MÉRCORES 5 DE XANEIRO

12:00h Pavillón Municipal da Sangriña

Partido Benéfico de Balonmán entre os equipos Atlético Guardés e BM Porriño,

Recollida solidaria de alimentos non perecedoiros. 

Visita dos Reis Magos con paseo polas principais rúas da localidade. 

Ligazón para inscrición de eventos en eventbrite.es:

https://www.eventbrite.es/o/concello-da-guarda-35370803503