DEPORTES

JOSÉ MANUEL LORENZO E MARÍA MARTÍNEZ, CONQUISTARON O VIII  TRAIL  DO TREGA     

· Natalia  Sierpes e Maxi Oubiña conseguiron os puntos necesarios para ser os vencedores da Pontevedra  Trail  League 

 

Participantes chegando a liña de meta

Foto: C.A.G.

 

Infogauda / A Guarda

 Ambientazo nos xardíns e na contorna da Alameda nos prolegómenos do Trail do Trega que se celebrou na mañá de hoxe na vila de A Guarda. 

 Máis de 450 atletas tomaron parte na saída da que foi a última das probas da Pontevedra Trail  League, tras as celebradas no Rosal e Tui, en datas anteriores.  

Atletas baixando do cumio do monte Santa Trega

Foto: C.A.G.

 15 km de percorrido cun desnivel de case 800 metros, para afrontar constantes subidas e baixadas desde un monte Santa Trega que presentaba un aspecto espectacular, coas augas do río Miño e do Océano Atlántico aos seus  pés, e os milenarios poboados castrexos “observando” o paso dos participantes.    

 A carreira absoluta masculina estivo moi competida na primeira parte. Así, de saída, o portugués Carlos Silva marcou un forte ritmo con Óscar Guerra, Marcos Fernández e José Manuel Fernández,  tratando de seguilo.  

 Sería a partir da metade de carreira, cando, o que ao final resultaría vencedor, o morracense José Manuel Lorenzo collería a cabeza, a cal xa non deixaría ata o final, entrando primeiro na liña de meta cun crono de 1:21:48. Tras el, o 2º sería Marcos Fernández, de Salvaterra de Miño, con 1:23:54, completando o  podium o cambadés Óscar Guerra, nun final moi apertado e emocionante co propio Marcos e o rosaleiro José Manuel Fernández, que só podería finalizar 4º.  

Dúas atletas correndo pola estrada do monte Santa Trega

 A categoría feminina tivo unha dominadora máis clara, coa porriñesa María Martínez comandando as operacións desde o arranque, e parando o crono na meta en 1:41:50. Tras ela, a viguesa Elena Rosell non viu perigar nunca ese segundo posto do caixón, finalizando con 1:43:26. A terceira praza, a máis de tres minutos, foi para Natalia Sierpes, de Baiona, con un tempo de 1:47:08.  

    

O alcalde e a concelleira de Deportes de A Guarda coa atletas premiados

Foto: C.A.G. 

 Hoxe tamén era o día de saber quen se alzaba co triunfo na “xeral” da Pontevedra Trail League, sumando o cómputo de posicións en cada unha das competicións.  

 Así, Maxi Oubiña, de Cambados, e Natalia  Sierpes, de Baiona, son os vencedores absolutos deste ano 2021.  

 Tamén se entregaron premios aos gañadores/as  nas distintas categorías.   

 Punto e final a este ano da Pontevedra Trail  League, que segundo dixera Gorka Gómez, deputado de Deportes da Deputación de Pontevedra, nas distintas presentacións, vai ter a súa continuidade no 2022, coa intención de seguir sumando sedes ás tres desta edición.