CULTURA

A Xunta de Galicia concede axudas a 31 escolas de música dependentes de institucións sen ánimo de lucro  

Coincidindo coa véspera do Día dos Músicos, resólvese a convocatoria na que se destinan 165.000€ a asociacións e fundacións

A cidade de Vigo é a máis beneficiada nesta convocatoria, con cinco axudas

Foto: X.G.

Infogauda / Santiago de Compostela

 Coincidindo coa véspera do Día dos Músicos, a Xunta de Galicia vén de publicar no Diario Oficial de Galicia a resolución das axudas dirixidas a escolas de música privadas dependentes de asociacións ou fundacións sen ánimo de lucro, da que resultan beneficiarias 31 entidades, que prestan servizo a case 5.000 alumnos.

 O orzamento total ascende a 165.000€, a mesma cantidade ca o ano anterior e a cidade de Vigo é a máis beneficiada nesta convocatoria, con cinco entidades.

 O obxectivo destas subvencións é potenciar o funcionamento dos centros dependentes de asociacións ou fundacións sen ánimo de lucro que imparten ensinanzas de música non regradas e prestar apoio ás iniciativas para o fomento, difusión e extensión destas ensinanzas por parte destas entidades que teñen entre os seus fins a formación musical.

 Estas escolas, que contan cunha crecente demanda, abarcan, como oferta básica, os ámbitos de ensino de música e movemento, práctica instrumental, formación musical complementaria á práctica instrumental, e actividades de conxunto. Neste sentido, cómpre sinalar que as escolas de música dedícanse á formación de afeccionados e á preparación das probas de acceso aos estudos conducentes á titulación daquelas persoas que teñan vocación e aptitudes para a música.

 A relación de escolas subvencionadas é a seguinte:

CONCELLO	ESCOLA DE MÚSICA	NÚMERO  DE ALUMNADO	IMPORTE
Agolada	EMUSPR de Agolada	107	3.608,95€
Antas de Ulla	EMUSPR de Antas de Ulla	84	2.833,20€
Barro	EMUSPR de Barro	41	1.382,87€
Cambre	EMUSPR Sementeira de Cambre	185	6.239,78€
Celanova	EMUSPR EMBC	143	4.823,18€
Chantada	EMUSPR Casa da Música de Chantada	212	7.150,45€
Coruña, A	EMUSPR Compañía de María	219	7.386,55€
Gondomar	EMUSPR Agrupación Musical de Vincios	143	4.823,18€
Lalín	EMUSPR Banda de Lalín	136	4.587,08€
Lalín	EMUSPR Escola de Música de Vilatuxe	109	3.676,41€
Mos	EMUSPR de Mos	402	13.558,87€
Neves, As	EMUSPR Popular de Rubiós	84	2.833,20€
Ponteareas	EMUSPR de Xinzo	207	6.981,81€
Pontevedra	EMUSPR A Tempo	130	4.384,71€
Pontevedra	EMUSPR de Salcedo	167	5.632,66€
Redondela	EMUSPR de Chapela	199	6.711,98€
Rianxo	EMUSPR de Rianxo	213	7.184,18€
Ribadavia	EMUSPR Mestre Veneroni	93	3.136,75€
Rosal, O	EMUSPR Agrupación Musical do Rosal	215	7.251,63€
Salceda de Caselas	EMUSPR Asociación Amigos da Música	204	6.880,62€
Santiso	EMUSPR de Visantoña	69	2.327,27€
Soutomaior	EMUSPR Artística de Arcade	130	4.384,71€
Teo	EMUSPR de Calo-Teo	35	1.180,50€
Vigo	EMUSPR Atlántida	260	8.769,42€
Vigo	EMUSPR de Beade	152	5.126,74€
Vigo	EMUSPR Unión Musical de Coruxo	109	3.676,41€
Vigo	EMUSPR de Valadares	152	5.126,74€
Vigo	EMUSPR Escola de Música Ateneo Musical de Bembrive	164	5.531,48€
Vilaboa	EMUSPR de Vilaboa	179	6.037,41€
Vilanova de Arousa	EMUSPR de Vilanova	151	5.093,01€
Xinzo de Limia	EMUSPR da Limia	198	6.678,25€