A Xunta de Galicia colaborou na posta en marcha do centro de cancro de mama Valeriano Martínez destinado ás persoas refuxiadas dos campamentos saharauís
O centro inaugurado o pasado mércores leva o nome do conselleiro de Facenda e Administración Pública falecido a semana pasada
Trátase dun dos proxectos de emerxencia alimentaria e axuda sanitaria levados a cabo nos últimos anos nos campamentos de refuxiados do Tinduf no marco da colaboración entre o Goberno galego e a Asociación Solidariedade Galega co Pobo Saharauí (SOGAPS)
O centro Valeriano Martínez inaugurouse o pasado mércores e leva o nome en memoria do conselleiro de Facenda e Administración Pública falecido a semana pasada
Foto: X.G.
Infogauda / Santiago de Compostela
A Xunta de Galicia colabora coa Asociación Solidariedade Galega co Pobo Saharauí (SOGAPS) na prestación de axuda sanitaria na Wilaya de Bojador con proxectos como a construción dun centro de cancro de mama na Daira 27, nos campamentos de refuxiados saharauís en Arxelia. O centro Valeriano Martínez inaugurouse o pasado mércores e leva o nome en memoria do conselleiro de Facenda e Administración Pública falecido a semana pasada.
Dende o ano 2006 a Xunta vén colaborando con SOGAPS no financiamento de diferentes proxectos, e o ano pasado o convenio reorientouse para executar actuacións coas que dar resposta ás necesidades máis urxentes da poboación saharauí en relación á crise sanitaria derivada da pandemia da covid-19, co obxectivo de mellorar as condicións de vida da poboación refuxiada saharauí a través do subministro de alimentos que escasean debido á pandemia.
Ningún comentario:
Publicar un comentario