O ROSAL

A Praza do Calvario énchese de ‘saborEarte’  

· Ata o vindeiro 6 de xullo poderá desfrutarse dunha exposición fotográfica de Adolfo Enríquez, coa gastronomía do Camiño Portugués da Costa como fío condutor  

A Praza do Calvario énchese dende hoxe mesmo de ‘saborEarte’, exposición fotográfica de Adolfo Enríquez, que do 28 de xuño ao 6 de xullo os rosaleiros, rosaleiras e visitantes, poderán desfrutar 

 

Infogauda / O Rosal

 A Praza do Calvario énchese dende hoxe mesmo de ‘saborEarte’. Do 28 de xullo ao 6 de xullo os rosaleiros, rosaleiras e visitantes, poderán desfrutar desta exposición fotográfica de Adolfo Enríquez, coa gastronomía do Camiño Portugués da Costa como fío condutor. A mostra recolle 23 imaxes obtidas no transcurso dun proxecto que se centrou en presentar a gastronomía local como recurso de alto valor para a promoción turística a través de mostras de cociña nas que os produtos de proximidade de cada un dos cinco destinos escollidos foron os grandes protagonistas.  

Esta fotografía de Adolfo Enríquez forma parte da mostra ‘saborEarte’

 Con esta exposición o respectable público terá a oportunidade de coñecer non só os pratos rematados, senón tamén algunhas instantáneas das xornadas gastronómicas do proxecto que, debido á situación sanitaria, tiveron que celebrarse con aforo pechado e convite previo. 

 Os eventos que conforman agora a mostra ‘saborEarte’ arrancaba o pasado mes de abril no Rosal, primeiro concello en acoller esta exposición fotográfica itinerante que percorrerá municipios como Soutomaior, Portas, Pontecesures, Padrón e Santiago.  

 Dende o Concello do Rosal anímase a toda a veciñanza a desfrutar desta nova actividade cultural, que ten por obxectivo redundar no valor promocional da fotografía gastronómica tanto a través das imaxes seleccionadas para a exposición como doutras realizadas durante os eventos de ‘saborEarte’. Todas as imaxes estarán a disposición de todas as persoas na web de SaborEarte no Camiño para a súa descarga e libre utilización.