A GUARDA

A Omix de A Guarda organiza un obradoiro de escritura creativa que será impartido polo escritor Javier Peña

• Terá lugar o sábado día 24 de abril en horario de 10:00 a 13:00h 

• As inscricións están abertas na OMIX de A Guarda

 

Infogauda / A Guarda 

 A OMIX do Concello de A Guarda en colaboración coa Librería Atlántica, organiza un obradoiro de Escritura Creativa, que será impartido polo escritor galego Javier Peña, autor da novela “Infelices” e, entre outras cousas, creador, coordinador e profesor do Obradoiro de Novela Cidade da Cultura ou Taller Casa Blackie de Novela.  

 Javier Peña, que ten acreditada a súa capacidade narrativa coa publicación dunha novela de éxito, propón un obradoiro estruturado en consellos claros e directos para mellorar na escritura dunha novela, neste caso 10 consellos para escribir unha novela.  

 Nos obradoiros impartidos anteriormente polo autor esgotáronse tódalas prazas obtendo as persoas participantes un índice de satisfacción ao remate dos mesmos moi positivos.   

 As persoas participantes recibirán ademais un agasallo de parte da librería organizadora e  tamén obterán un desconto durante a xornada do taller, para a adquisición de libros.    

 A actividade realizarase o día 24 de abril, de 10:00 a 13:00 horas e as prazas son limitadas. 

 As persoas interesadas terán que chamar á OMIX ao 986 610 000 extensión 7 ou escribir un correo electrónico a informacion@aguarda.es para inscribirse ou recibir información.