TOMIÑO

O estilo persoal de Smithsonian soará este martes na Praza do Seixo

Concerto ás 19.00 h dentro da programación do Alivio. Actividade de balde con reserva previa no 986 622 001 ou en cultura@tomino.gal 

 

  Danis Carballás e Paula Smith, compoñentes de Smithsonian  

  Foto: C.T.

Infogauda / Tomiño

 Continúa a programación especial do Alivio en Tomiño. Este martes día 8 de setembro, a partir das 19:00 horas, a Praza do Seixo acollerá o concerto de Smithsonian, un dúo musical de recente creación que namorará a todos os amantes da música. Con Paula Smith como voz principal e Danis Carballás na guitarra e coros, o grupo traerá ao público o máis selecto do seu repertorio, formado na súa gran maioría por versións de distintos estilos musicais, dende pop rock ata os clásicos dos anos 80, pasando por rock alternativo, pero sempre cun toque propio. 

 O publico poderá desfrutar deste concerto con todas as medidas de prevención necesarias para garantir a saúde de todos e todas. Como toda a programación do Alivio, trátase dun espectáculo de balde pero para o que é necesario reservar entrada previamente chamando ao 986 622 001 ou enviando un correo electrónico a cultura@tomino.gal.