A GUARDA

Horario de inverno na rede de museos e na Oficina Municipal de Turismo de A Guarda 

Entrará en vigor desde o día 1 de outubro

 

No interior desa construcción inspirada na antiga atalaia atópase o Museo do Mar de A Guarda 

 

 Infogauda / A Guarda

 O Equipo de Goberno Municipal do Concello de A Guarda vén de comunicar que dende o vindeiro xoves día 1 de outubro, entra en funcionamento o horario de inverno na rede municipal de museos e na Oficina de Turismo, co peche do Centro de Interpretación da Fortaleza de Santa Cruz. 

 A Oficina Municipal de Turismo prestará servizo de luns a domingo, de 10:00 a 14:00h e de 16:30 a 19:30h, nas instalacións da Praza do Reló.

 O Museo Arqueolóxico do Monte Santa Trega (MASAT) abrirá as súas portas de martes a domingo de 10:00 a 18:30h 

 O Museo do Mar, sito no final do paseo marítimo, estará aberto as fins de semana e festivos de 11:00 a 14:00h e de 16:00 a 19:00h. 

 Pola súa banda o Centro de Interpretación da Fortaleza de Santa Cruz pecha as súas portas ata a vindeira primavera, quedando aberto o espazo público deste recinto fortificado. 

 Máis información na Oficina Municipal de Turismo na Praza do Reló s/nº, ou chamando ao 986 61 45 46 ou no enderezo electrónico turismo@aguarda.es