O ROSAL

O Concello arranxa a ponte do Urgal tras obter os permisos da Confederación Hidrográfica   

Persoal municipal repuxo as pedras caídas dende hai tempo tras salvar todos os trámites burocráticos da autoridade competente   

A ponte está catalogada como un ben protexido por Patrimonio 
  

Persoal municipal repuxo as pedras caídas dende hai tempo
Fotos: C.O.R.

Infogauda / O Rosal

 O Concello do Rosal rematou esta semana o arranxo da ponte do Urgal, situada no río Carballas, que amosaba un importante deterioro dende hai tempo e que estaba pendente de recuperación tras solicitar os permisos necesarios á autoridade competente, a Confederación Hidrográfica do Miño-Sil.  

 Despois da mediación do Equipo de Goberno Municipal e ao estar a ponte considerada como un ben protexido por parte de Patrimonio, a semana pasada a Confederación Hidrográfica concedeu a autorización soamente para a reposición das pedras caídas, xa que ao considerarse zona inundable non se obtén permiso nin para a remodelación nin para a mellora da zona. 

 Con esta actuación dáse solución a un problema que afectaba dende hai tempo a esta ponte, cada vez máis deteriorada ao non poder acometer obras de mellora ou reposición. Dende o Concello quérese poñer en valor o traballo dos operarios municipais, que están a facer un gran labor tamén non ámbito de vías e obras.