A GUARDA

"A viaxe de Exeria ó castro do Monte Santa Trega"

Os Quinquilláns protagonizarán novamente as visitas teatralizadas

• Despois do grande éxito acadado no verán de 2019, a Compañía de Teatro visitará o Castro de Santa Trega todos os mércores 

Infogauda / A Guarda

 Despois do grande éxito acadado no verán de 2019, o Concello de A Guarda brinda de novo a  experiencia das visitas teatralizadas a cargo da Compañía de Teatro Os Quinquilláns. Dese xeito, entre o 15 de xullo e o 26 de agosto, cada mércores, dous personaxes peculiares visitarán o Castro do Monte Santa Trega, nunha actividade que pretende sorprender gratamente a todos os asistentes.  

 Encadradas no programa O Camiño Aguárdate, dentro da convocatoria O Teu Xacobeo, estas visitas teatralizadas promovem a divulgación dos valores patrimoniais entorno ó camiño de Santiago. A Compañía Os Quinquilláns, será a encargada de realizar esta actividade que nos transporta a época mais tardía do castro guardés da man de Exeria (Gallaecia, s. IV d. C.), a primeira muller cristiá, poeta e aventureira - tiña que selo, ademáis de moi decidida, para desenvolver unha actividade (viaxar) que naquela altura era privilexio masculino -, que peregrinou desde Occidente a Oriente. Visitou os Santos Lugares - relacionados coa vida de Xesucristo en Palestina -, e logo escrebeu o relato da súa viaxe. A ela atribúeselle haber traído ata a Península Ibérica o culto a mártir Santa Trega, natural de Iconio e discípula de San Pablo.

 As visitas teatralizadas misturan a creatividade teatral, a divulgación dos valores patrimoniais entorno ó camiño e a revalorización da peregrinaxe coma forma diferente de viaxar.  

 O aforo de cada visita está limitado a 25 persoas, sendo obrigatorio o uso de máscara de protección.  

 As persoas que desexen asistir a esta nova proposta cultural e de lecer, deberán inscreberse, indicando seus datos, premendo eiquí.