OIA

Os Socialistas de Oia acadan no Pleno Extraordinario o traslado da depuradora de Porto Senín

Concelleiros do Grupo Municipal Socialista no Concello de Oia

Infogauda / Oia

  No Pleno Extraordinario celebrado na mañá deste martes día 10 de marzo de 2020, os Socialistas de Oia acadaron “o acordo do traslado da depuradora de Porto Senín, en Viladesuso, a Pedornes”. 

 Nesa sesión plenaria extraordinaria, celebrada a petición do Grupo Municipal Socialista, falouse sobre a problemática que carrexa o municipio dende o ano 2010, cando comezaron a funcionar as “depuradoras ilegais” no termo municipal de Oia. 

 Neste senso, e coma único punto do día, contouse cos votos a favor do PSdeG-PSOE e BNG, e as abstencións do PP. 

 “O motivo é que estas depuradoras continúan sen funcionar axeitadamente, están sen legalizar e seguen a ocasionar molestias e problemas aos veciños e veciñas do noso municipios”, afirmou Xerardo Rodríguez Refojos, concelleiro portavoz do Grupo Municipal Socialista na Corporación Municipal de Oia.

 “Agardamos que nesta lexislatura, onde se van a manexar case 10 millóns de euros, sexan capaces de adicar unha boa parte deste presuposto a arranxar dunha vez por todas os problemas de saneamento de Oia”, subliñou o portavoz socialista.