O ROSAL

SE NESTES DÍAS ESTÁS BALEIRANDO OS ARMARIOS DA CASA, FAI UN USO RESPONSABLE DOS CONTEDORES  

Para non expoñer ao persoal de recollida do lixo a riscos innecesarios

Informa (fotografía e redacción): Concello do Rosal 

 Se nestes días estás baleirando os armarios da casa, fai un uso responsable dos contedores para non expoñer ao persoal de recollida do lixo a riscos innecesarios.      

 1. Garda a roupa que non che sirva ata o remate do estado de alarma para darlla a algunha persoa que a precise. Se non coñeces a ninguén, hai asociacións que fan esa labor por ti e agradecerán a túa solidariedade.     

 2. Gárdaa para levala a unha tenda de segunda man. Pode que esa prenda que a ti xa non che serve ou non che gusta atope nov@ don@.     

 3. Gárdaa para poder levala a algunha das tendas nas que recollen roupa usada. Algunhas delas incluso premian este tipo de actitudes con vales desconto.     

 4. Sé creativ@ e búscalle unha nova utilidade. Pódense facer bolsos, carteiras, coxíns,…, e unha infinidade de cousas mais. Aproveita os recursos dispoñibles para crear novos obxectos durante estes días.  

 Se xa valoraches todas as opcións posibles e ningunha delas é factible, mete a roupa en bolsas, péchaas ben e deposítaas dentro dalgún dos contedores de roupa dispoñibles no concello. Consulta cal é o mais próximo á túa vivenda na seguinte listaxe:       

· Illa de contedores a carón do campo de balonmán en Novás     

· Diante da Cámara Agraria     

· Illa de contedores a carón do CPI Manuel Suárez Marquier     

· Illa de contedores do Parque de Pías    

· Illa de contedores a carón de Adegas Valmiñor