A GUARDA

Concerto de Indie Rock 

A cargo do grupo Inertes

Este sábado 28 de decembro, ás 20:00 horas, na Praza do Reló

 

Infogauda / A Guarda

 Enmarcado na Programación de Nadal 2019/20, este sábado día 28 de decembro ás 20:00 horas, a Praza do Reló acollerá o concerto do grupo Inertes. 

 Inertes é un grupo vigués que non pasa desapercibido alá por onde deixa pegada coa súa música nos escenarios a nivel nacional. O seu terceiro e último traballo é un disco con alma de directo e tal e como eles mesmos o definen, un “discometraxe” formado por 10 temas de composición propia plasmando todas as influencias que tiveron nos últimos anos, tanto no campo musical como no emocional, e sempre moi ligado á imaxe cinematográfica. “Zona16mm” é este traballo que lles ten levado por salas de todo o país, ofrecendo máis de 30 concertos na súa pasada xira de 2017. 

 Co son das súas guitarras en primeiro plano, atrévense a probar novos esquemas de cancións cheas de matices e inesperados contrastes, que teremos a ocasión de gozar este sábado na Guarda. 

 En caso de choiva o concerto realizarase no Centro Cultural da vila, con entrada libre ata completar o aforo.