DEPORTES

ATLETISMO

Sergio Rodríguez Teixeira dá o salto a división de honra

E ficha polo Surco Aventura cordobés

O velocista seguirá en Galicia e en contacto co seu adestrador de sempre, Jose Carlos Tuñas e o seu grupo de adestramento, adestrando este ano en Vigo 

O atleta guardés Sergio Rodríguez Teixeira

Foto:  Gema Figueroa

  
Infogauda / A Guarda

 Tras 10 anos nas filas do Club de Atletismo Coruña Comarca, o atleta guardés Sergio Rodríguez Teixeira dá un paso máis na súa traxectoria deportiva e ficha polo Surco Aventura de  Lucena (Córdoba), un club que participa na máxima división do atletismo español coñecida como División de Honra. Deste xeito, Sergio poderá enfrontarse nas xornadas de liga aos atletas dos mellores clubs de España.  

 O velocista, con todo, seguirá en Galicia e en contacto co seu adestrador de sempre, Jose Carlos Tuñas e o seu grupo de adestramento, adestrando este ano en Vigo, para seguir preparando, nestes momentos, a tempada de pista cuberta e principalmente as probas de 200 e 400 metros.  

 Lembremos que Sergio ten un extenso  palmarés a nivel autonómico con 15 títulos de campión de Galicia absoluto tanto baixo teito como ao aire libre repartidos nas probas de 100 m, 200 m, 400 m, 4x100 m e 4x400 m así como numerosas medallas de prata e bronce e é habitual a súa participación nos Campionatos de España, onde o seu mellor resultado foi o sexto posto de 2015 na pista cuberta de  Antequera.