DEPORTES

O Spartan Team de Tomiño disputa esta fin de semana varios títulos de boxeo en Salceda de Caselas 

Daniel Fernández, David Novoa e Charly López competirán o sábado a partir das 20:30 horas no pavillón polideportivo da localidade  

Na imaxe os tres representantes do club Spartan Team de Tomiño que este sábado disputarán en Salceda de Caselas, diferentes competicións de boxeo

Foto: C.T.

Infogauda / Tomiño

 No marco do evento organizado por “Kick&box Club Salceda”, este sábado día 26 de outubro, a partir das 20:30 horas, no pavillon deportivo de Salceda de Caselas, tres representantes do club Spartan Team de Tomiño, disputarán diferentes competicións de boxeo. 

 O púxil Daniel Fernandez competirá na categoría Promesas (iniciados) nos 75kg.; disputará as eliminatorias e tratará de clasificarse para a final.

 Pola súa banda, David Novoa, competirá na categoria Clubs (avanzados), e participará na final dos 64kg. ante o rival local Bryan Álvarez. 

 Finalmente, a última representacion do Spartan Team de Tomiño no devandito evento, será Charly López. Aínda que disputará un combate cualificado como de rodaxe, será un dos pratos fortes da noite facendo un dos cruces de peche de velada.