DEPORTES

O CONCELLO DO ROSAL DESÉXALLE MOITA SORTE Ó ACANOR ATLÉTICO NOVAS  

Germán Fernández Rodríguez - a esquerda da imaxe -, concelleiro de Deportes do Concello do Rosal, na súa visita os adestramentos do equipo infantil e cadete do Acanor Atlético Novás

Foto: C.O.R.

Infogauda / O Rosal

 O executivo municipal do Concello do Rosal, que preside á alcaldesa Ánxela Fernández Callís fixo pública a seguinte decraración institucional:

 “Desde o Concello queremos parabenizar ó Acanor Atlético Novás e, especialmente, aos seus equipos infantil, cadete e xuvenil que xogan nestes días as Fases de Ascenso a primeira”. 

 “Sumámonos, así, á campaña de apoio realizada polo clube. É un pracer ver e comprobar o gran traballo que se está a facer coa canteira do noso pobo”, afirma a alcaldesa. 

 Onte a rexedora, Ánxela Fernández e o concelleiro de Deportes, Germán Fernández Rodríguez, visitaron os adestramentos do equipo infantil e cadete e hoxe despediron na súa saída ó equipo Xuvenil. 

 “Desde o Concello queremos desexarlle moita sorte a todos e esperamos que desfruten e aprendan moito desta experiencia”, afirmou a alcaldesa rosaleira. 

 #ForzaNovás