O porto de A Guarda acolleu a terceira proba do IV Campionato Galego Inclusivo
Unha das embarcacións adaptadas do Club Deportivo Sen Amarras que participaron no IV Campionato Galego Inclusivo
Fotos: C.A.G.
Infogauda / A Guarda
O Club Deportivo Sen Amarras ven de celebrar a terceira proba náutica do IV Campionato Galego Inclusivo, disputada o pasado sábado no porto de A Guarda e enmarcada na programación da Festa do Peixe Espada.
Montserrat Magallanes Álvarez, concelleira de Deportes - a der. da imaxe -, xunto con Juana Parada, xerente de OR.PA.GU. - a esq. da foto -, no acto de entrega dos trofeos
A principal característica da proba é a integración, contando coa participaron de 12 equipos de diferentes localidades, formados por persoas con e sen discapacidade, empregando unha embarcación adaptada que pode ser patroneada de maneira fácil e sinxela. Sendo o mais importante o correcto desenrolo do trazado, e non o tempo deste, por tratarse dunha proba de regularidade.
A proba foi organizada pola Federación Galega de Motonáutica e o Club Sen Amarras, en colaboración coa Deputación de Pontevedra, o Concello de A Guarda, Orpagu (Organización de Palangreiros Guardeses), Xunta de Galicia, Deporte Galego, Galicia Saudable e a Comandancia Naval do Miño.
Ningún comentario:
Publicar un comentario